قصيدة

تهنئه لكل ام

اول كلام اتنطق في العشق كان اسمك

بقلم :محمد هيكل

متابعة :ايمان ربيع

أول كلام اتنطق

ف العشق كان اسمِك

أول غرام انكتب

ع القلب كان رسمِك ❤️

.

أول حكاية لقا

الروح دى متشوقه

ياحبيبتي تندهلك

أمى يا طعم الوفا

ومين ف الجمال و الدفا

ياملاكي يشبهلك ❤️

.

يا اغلى ما ف الكـون

واحلـــى ما فيــــا

جواكـــــى سـر حنون

من ربنـــا ليـّـا

جواكــــي حب كبيــر

جواكـــــــى حنيــه

عاشقك ياوش الخيـر

ياضي ل عنيــه ❤️❤️

.

هيه الرجوله يا امى انا

اتعلمتهــــــــــــا من مين !؟

ولا حنان البنت

لما بتحضن الفساتيـــــن !؟

جابت حنانها منين

مـش منـك إنتـــى

يا احن من الرمــــــوش

ع العين ……………!!!؟
❤️❤️❤️❤️❤️❤️
.

طب مين ياســـت الكل

كان لينا حضـــن أمـان

مين يرضى يشرب ذل

ويسقــي غيرو حنــــان

ياحضن ريحتـــــــه فل

رايق قــــــوي و دفيان

❤️❤️❤️❤️❤️❤️
.

هوه انتى مهمـــا نقول

نلقـــى كـــلام ينصفـــــــك !!!؟

و الشعر يعنى يطــول

إنــه في يـــوم يوصفــــــك !!!؟

.

حضنتي يامــا … وكبّـرتـي يامـا

واديتــى عمــرك من غير ملامـه

.

ومهمـا تعبـك ….. يزيـــد تداري

ونشوف ف وشـك أحلى ابتسامـه
.

دي الطيبه إنتي

والرحمــه إنتي

و حضنك انتى .. راسمال وغالي❤️
.

وكل حاجـــة

ياحبيبتي فيكى

بلسم ل روحــــــي وموصوفالي ❤️
.

🌺🌺🌺🌺🌺🌺🌺🌺
.

من كتر شيلك …..ل همّـى يامـه

ماكنــش همّـى …..وكأنـي خالـى

.

وحتى تعبـي ……. تملّـي وجعـه

جواكـى انتـى و شـايــــلاه بدالـى

.

انا مهمــا اقـــــولك كلمــة بحبــك

كأنــى لســــــه ما قــولتهــــاشــي

عطشان اقولها .. وافضل اعيدها

دا القلـــب يامــه .. ما يسلاهاشي

عارفـــه كأنك … وبدون ما ابالغ

ملاك يا أمى .. و ع الاض ماشي

❤️❤️❤️❤️❤️❤️❤️❤️
.

ياعـش دافـــــي .. وقلوبنـا طيرك

وتملى عمـــرك .. وهبــاه لغيـرك

أنـا مهمــــــا هكبــر

هفضــل صغيـرك

وافضــل حبيبتــــي

عايش ب خيـــــرك

🙏🙏🙏🙏🙏
❤️❤️❤️❤️❤️
.

********************
.

الشاعر العميد محمد هيكل

الوسوم
إغلاق
إغلاق