ادب وثقافة

فلانتينوا كلمات/ أيمن البكري

فلانتينوا كلمات/ أيمن البكري

قالولك إيه عليا
إن أنا لعبت بيكي
وإني هلاقي غيرك
وهتلاقيني ناسيكي
هقولك إيه بس
لو قلبك مره حس
إني بكدب عليكي
يبقي صدقيهم
دا أنا أبيع الكون بحالوا
يا حبيبتي وأشتريكي
طيب داه أنا حتي ف منامي
بتكوني بطلة أحلامي
تلاقيني ف كل كلامي
سيرتك مبتفارقش لساني
من غيرك إنتي إل دواني
من جرحي ومن أحزاني
لمين أنا غنيت
ورجعت أعشق من تاني
يمكن أكون
عرفت قبلك ألف واحده
وعشت مية قصة حب تانيه
بس أول ما شفتك إنتي
أمنت إن كل داه كان كدبه
وعرفت معني الحب
معاكي من أول ثانيه
مش أنا فلانتينوا
في الحب والغرام
ولا أنا واد رومانسي
ولا بيعاع كلام
بس علي إيديكي إنتي
عرفت يعني إيه أحلام
ومن يوم ما عرفتك
مش عارف أنام
أول ما قلبك نداني
سلمت ورفعت إيدي
ورجعت أحب تاني
حسيت إنك وعيدي
حسيت بحلاوة الدنيا
وب أحلي فرحه
حسيت إني بودع
كل الاءيام الجارحه
حسيت إني لقيت
نفسي لما لقيتك
ولا عمري ياعمري بعتك
ولا عمري ف يوم نسيتك
بتسألي عليا أنا يا نور عنيا
راضي طول ما إنتي
راضيه ومسامحه
إغلاق
إغلاق