http://https://youtu.be/cHW83ZKIH10
آدي الربيع عاد من تاني والبدر هلت انواره
آدي الربيع عاد من تاني والبدر هلت انواره
وفين حبيبي اللى رماني من جنة الحب لناره
ايام رضاه يا زماني هاتها وخد عمري
اللى رعيته رماني وفاتني وشغل فكري
كان النسيم غنوة والنيل يغنيها
وميته الحلوة تفضل تعيد فيها
وموجه الهادي كان عوده ولون البدر أوتاره
يناغي الورد وخدوده يناجي الليل وأسراره
وأنغامه بتسكرنا أنا وهو
أنا وهو مافيش غيرنا .. مافيش غيرنا
أدي الربيع عاد من تاني والبدر هلت انواره
وفين حبيبي اللى رماني من جنة الحب لناره
لمين بتضحك يا صيف لياليك وأيامك
كان لي فى عهدك حبيب آليف عهدني أدامك
وكان لي فى قلبه طيف يخطر فى أوهامك
من يوم ما فاتني وراح
شدو البلابل نواح
والورد لون الجراح
يا ليلي يــا يـــا يــا يــا عين
مر الخريف بعده بدل زهور الغرام
والدنيا من بعده هوان ويأس وآلام
لا القلب بينسى هواه ولا حبيبي بيرحمني
وكل ما قول آه يزيد فى ظلمه ويألمني
وأدي الشتا يا طول لياليه
على اللى فاته حبيبي يناجي طيفه ويناديه
ويشكي للكون تعذيبه
يا ليل يا بدر يا نسمة يا طير يا أغصان
هاتوا لي من الحبيب كلمة تواسي العاشق الحيران
أخد ورد الهوا مني وفات لي شوكه يألمني
ماعرفش أيه ذنبي غير أني فى حبي أخلصت من قلبي
وغاب عني لا كلمني ولا قال لي أمتى راح أشوفوه
وأقول يمكن هيرحمني ويبعت فى الربيع طيفه
آدي الربيع عاد من تاني والبدر هلت انواره
وفين حبيبي اللى رماني من جنة الحب لناره
- كلمات : مأمون الشناوى
- ألحان : فريد الأطرش
- غناء. : فريد الأطرش
- انتاج .
- 1949
المزيد من الموضوعات
وزير قطاع الأعمال العام يبحث تطوير ملاحة “سبيكة” بسيناء وإقامة مجمع صناعي للاستفادة من المحلول المر بالشراكة مع القطاع الخاص
الدكتورة رانيا المشاط وزيرة التعاون الدولي تتابع مع السفير الياباني بالقاهرة ومسئولي هيئة “الجايكا” مشروعات التعاون الإنمائي الجاري تنفيذها والشراكات المستقبلية
بـ «الانفوجراف» هيئة الرعاية الصحية تستعرض إنجازات منظومة التأمين الصحي الشامل بمحافظة جنوب سيناء