هو دا السؤال اللى نفسى كل واحد يجاوب عليه.
انتا عايش ليه ؟
او عايش بتعمل ايه ؟
انا عايش عشان اعبد ربنا و اعمر الارض …
اجابتك دي كانو بيحفظوهالنا زمان. اجابه كفيله انها تحسسك انك ماكينه او انسان آلى عايش عشان يعبد ربنا و يصلح فى الارض ليل نهار .
زى بالظبط ما نجحوا يفرقوا بين الدين و الدنيا و ان الاسلام دا كان للناس بتوع زمان بس …..
ايام الحصان و الجلبيه و الذقن و السيوف .
معندكش اجابه تانيه مقنعه ؟
انتا عايش ليه ؟؟؟؟
عارف لو شيلت الدين من المعادله هتلاحظ اد ايه انتا ساذج و تافه و ملكش لازمه فى الحياه . شيل الدين كدا … ها انتا عايش ليه ؟ لو لقيت اجابه مقنعه يبقى لازم تضمنلى انك مفيش مره هتقول
1:انا زهقت
2:دى حياه ممله –
3:اهو بقضى وقت
طيب يعنى ايه اشيل الدين من المعادله ؟ يعنى طنشه او انساه .. دينك قايلك تعيش ازاى و تعمل كل حاجه ازاى بس انتا مطنشه … عارف مطنشه ليه ؟ عشان كالعاده الجهل .. انتا اصلا متعرفوش عشان تسمع كلامه و لو عرفته او حاولت تعرفه هيقابلك مشكلتين
1:- – الكسل . الكسل دا زى الوباء اول ميجى للأنسان بيتملكه ..
شعور جميل اوى انى معملش اى حاجه انى اريح كل جزء فى جسمى حتى عقلى .. انى اريحه حتى انه يحسب 1+ 1 بتساوى كام و على طول امسك الآله الحاسبه واحسبها .
1– التعود على الغلط . سياسه الحياه اللى عايشنا “اصلى متعود – أصلى اتعودت” منا عايش اهو و مرتاح و سعيد جدا فى حياتى .. احاول غيرها ليه ؟
طيب و بعدين ايه الحل ؟؟ الحل واضح انك تحس بجد انك مش راضى عن نفسك و مش راضى عن حياتك لأن دافع التغيير لازم يجى من جوا الانسان .. و لو معترفش بالمشكلتين اللى ممكن يقابلوه فوق دول الكسل و التعود .. يبقى عمره مهيتغير و عمره مهيعيش صح و الراحه المؤقته اللى هو فيها دى زى القنبله الموقوته اللى هتنفجر فيه فأى لحظه و مش هيعرف يلم اشلائه من هول الموقف
مقتبس
المزيد من الموضوعات
اسعار العملات اليوم في مصر
استقبل الرئيس السيسي اليوم “سيرجي ناريشكين” رئيس جهاز الاستخبارات الخارجية الروسية، والوفد المرافق له، بحضور اللواء عباس كامل رئيس المخابرات العامة
أسعار الذهب اليوم في مصر