وسيط اليوم

جريدة الكترونية عربية

من روائع الشعر العربي….سبيل

كتبت /تقي أبو عجوة

 

المشهد الاول
..انا ع الارض
ايدي علي وريدك
بلاش أبوس إيدك
-ببوس ايدك-
بلاش الهجر انا ف عرضك ..
شعور اليتم قاتلني ..
انا معرفش غير أرضك ..
-ببوس ايدك وبتذلل-
مترحلشي
انا معرفش غيرك أب ..
انا بنتك ..
وبيت واسع يضم همومك القاسيه ..
وأمك لو تكون ناسي ..
-يحن قلبك القاسي-
=ما هو انتي من الاول عارفه
-معرفش غير وعدك صدقني
-وليالي طويله كتبتلي فيها
-ان انت حبيبي بتعشقني
-وتقولي يا اعقل مجنونه
-وتندهني ف برد عليك
-تظهر ف عنيك نظره قسوه-
ف كرامتي تقولي كفايه دموع …
الكل كان موجوع ..
والكل كان مرضي ..
اللحظه دي ف النص ..
ولكني انا رافضه ..
بحذفها وبمنتج …
ندهتله حضرتها ..
-ضحك وقاال جايلك-
-طب وانا
=ع الراس انا شايلك ..
الاخت والصاحبه ..
شهرين وانا مصاحبه ..
الحزن والدمعه ..
شهرين وبكتبله ..
بندم علي سنتين ..
كنت انا الشمعه ..
لكنه كان أعمي ..
دوبت لاخر طرف ..
وودانه مش سامعه ..
الصرخ والتنهيد ..
شهرين وقلبي وحيد ..
بيشكي للورقه ..

“المشهد التاني”
الاسم ومتسجل عادي ..
بيرن التليفون ف الفجر ..
-ايوه !
-شهر وهروح اسطنبول ..
-طب وانا مالي !
-معقول !
-افندم !
-معقول امي وضي العين ..واكتر واحده بتفهمني…واكتر ضمه بتساعني ..مش مهتمه !
-وجودي خلاص ملوش لازمه
-بالعكس يا عمري ..
-بس يا كداب ..
-قلبك قلاب
-قلبك خاين ..
-اسمعي طيب..
-نرجع تاني …
-طب والحلوه ..
-عادي يا ستي ..
-كده هتخونها ..
-مش للدرجادي..
-طيب عادي ..
-نرجع يعني ..
-لا انا هبعد اصلك خاين ..
يكفيني اني ..عرفت انا اني ..كنت كفايه ..بس عيونك …خاينه وبتزوغ ..

المشهد التالت ..
بتناشد الاوجاع ..من قرب بيموت ..
تستنكر الأحزان ..من بعد كله موت ..
شهر كمان بيفوت ..
وحنينها مش بيموت ..
يرجعلها ويكسر ..
والبيه يحط شروط..
بقت عشيقته خلاص ..
والتانيه معشوقه ..
والخاين الظالم ..
بطايقه محروقه ..
كلماته محفوظه ..
لكنها تصمم
علي وجعه ووجوده ..
خايفه وقال يعني ..
هيصحي يوم قلبه ..
فينفذلها وعوده ..
خبر خطوبته ببنت ..
تالته غيرها وغير سابرينا ..
خبر مريب ..
ومريح ..
نبعد عن التجريح ..
هو من الاول ..
قايل بانه رخيص ..
ولا ينتمي أبدا ..
لصنف رجاله
-عاله-
علي المخاليق ..
ما بعدها عاله …

/
المشهد الرابع ..
راجل أصيل جدا
نقطين فوق بعض ..
يمسح وشه بكفوفه ..
ف عز خجله يتكلم ..
انا عاشقك ف شرع الله ..
وبلاش الرفض أرجوكي
أنا مش حمل اتألم ..
سكووت ..
نقط كتير ..جدا ..
-بتحبني فعلا!
-والله مش منهم ..
-اثبتلي ده بالفعل ..
-انا ناوي اكونلك ضل ..ضهر وحياه وموطن ..انا ناوي استوطن ..كل العروق والدم …
-انا ضد أي غرام ..
-عينيكي ليل طاهر ..
-قلبي الدنئ شايل ..ذكري لفلان عاهر ..
-هو قد يكون عابر ..تعليم ودي الدنيا …
– توافقي علي عرضي ..
– أرضي تكون صاحبي…محتاجه ناس جنبي ..واعذرني علي عرضك ..صدقني مش هقدر ..

المشهد الخامس ..
مش شوت متكرر ..
دا فريد أوي يعني ..
العاشق المختار ..
اختارني ما باعني ..
واقفه علي المسرح ..
ببكي قصايد شعر …
أصبحت أجمل من تلك اللي طلقها
صاحب دموع الشعر ..
مقدرش يستحمل ..
سجن ف مسمي البيت ..
بتابع التنهيد ..
شكرا يا أسوأ ناس ..
علي كل داء فيا ..
عرفت بوجوده ..
دوايا مين م الناس …
شكرا يا كل ظلام ..
أظهرلي مين نجمي ..
أظهرلي مين قمري ..
لولا سواد الليل ..
كنت ف بقيه عمري ..
همشي اشوفك فين
تليفوني تاني رن ..
رقم غريب مجهول ..
-الو
-بالله وحشتيني
-مين !
-مديت ايديا بعشم ف بلاش ترديني
..
انا كنت عاوز بس …
ان احنا نتصافي

-انا اسفه اوي يعني ..لكني مش للعب ..

-سامحيني لو مره ..

اعذرني مش قادره ..

ورميت السماعه بعيد..
وقعدت اعيد اخر مشهد ..
كان مد الايد لحظتها غرور
وانا كنت بدور حوالين الحزن.
وبتذلل
..
وانا بتأمل ..لقيت الايد ..
نفس الايد ..بتتمد عشان
نتصافي ونسلم…

المشهد السادس..
يوم عادي ..
ف بيتي وبيت صاحب عمري ..
وحبيب عمري ..
لقيت الشمس مختلفه ..
وشبابيكنا جميله اوي ..
كانها للهوا حالفه ..
تميل ..ترقص علي رتمه ..
نسيم الود محاوطني ..
ينادي عليا م الغيره ..
باسمه ..و”ياه”علي اسمه ..
برد عليه ..
ببص ف عينه بالضحكه ..
صباحي عنيكي يا وطني ..
ببص عليه وبسال نفسي ..
ازاي ربي عوضني ..
وخلاني اكون احسن ..
وبكتب شعر وبغني ..
بقيت أقوي من الدنيا ..
صبحت جميله اوي يعني ..
وملفوفه بعيونه حنين..
وبسأله زي كل صباح ..
هو انت جاي منين ..
من انهي سما يعني من السبع سماوات
..
ملخص السته ..
ساعات تمر ساعات ..
ونظنها نهايات ..
اتاريها اول دفع ..
لطريق عظيم جدا ..
اضحك وقول الحمد ..
وكون فخور فعلا ..
بان انت مش وحدك ..
ربك مدبرلك ..
تكون ف حال احسن

Follow by Email
Instagram
Telegram
WhatsApp
× اتصل الآن