وسيط اليوم

جريدة الكترونية عربية

استغاثة طالب الصيدلة بجامعة طنطا مريض السرطان برئيس الجمهورية ورئيس مجلس الوزراء المصري ووزير التعليم العالي ورئيس جامعة طنطا

نداء_إنسانى عاجل لفخامة رئيس الجمهوريةالدولة رئيس مجلس الوزراء المصري لمعالى وزير التعليم العالي لمعالى وزير ة الصحة لمعالى رئيس جامعة طنطا .

طالب_بصيدلةطنطاالفرقةالرابعة الدكتور مصطفى محمد مصطفى سرحان من كفر الشرفا الشرقى م طنطا محافظة الغربية متضامنا مع شقيقه الدكتور أحمد سرحان اللى ف الصور ده اخويا …

وحتكلم بس ف شوية نقط.. ده اخويا طالب ف صيدلة بيتعالج من الليمفوما (سرطان الغدد الليمفاوية)من اكتر من 6سنين ..مش هتكلم واطول ف رحلة علاجه والروتين والمعاناة طول ال6سنين ..هتكلم بس على اخر كام شهر ف علاجه من غير زيادة ولا اى مبالغة وانا طبيب عشان بس الناس تبقى عارفة انا بتكلم ازاى…

اخر علاج للاورام اخده كان علاج مناعى اسمه opdivo واللى كان كاتبهوله دكتور من القاهرة وبعد معاناة مع الروتين الدوا وصل واخد 6جرعات والحمد لله لما عملنا أشعة مسح ذرى pet-ct بعدها مكانش فيه اورام ف جسمه وده طبعا حاجة عظيمه لمريض سرطان بيتعالج منه من 6سنين

والمفروض كان فورا يتحول لعملية زرع نخاع بس الدكتورة اللى بتعالجه ف الاورام كان ليها رأى تانى أنه ياخد كمان جرعتين مش فاهم ليه !!.

المهم على ما الروتين خلص واخد الجرعتين كان حصل recurrence والاورام رجعت تانى بصورة نشطة ف جسمه ومعدش ينفع يتعمله زرع نخاع …. لك ان تتخيل مريض بيعانى من 6سنين ونفسه ف مرة الاورام تختفى من جسمه عشان يبقى عنده فرصة زرع نخاع ولما ربنا يأذن ,الدكتورة اللى بتعالجه تاخد قرار يضيعه .

المهم الكلام ده كان من حوالى 5شهور وعشان مادخلش ف تفاصيل بس اللى حصل الفتره اللى فاتت هتكلم عن اخر شهر ونص … المفروض كان محجوز من شهر ونص ف الاورام عشان يتجهز أنه ياخد علاج الopdivo تانى …بس طبعا العلاج اتاخر وهو تعب جامد لدرجة أنه مكانش عارف ياخد نفسه وطبعا محدش من الدكاترة بيهتم ولا عارف ياخد قرار والعناية اللى ف الاورام الجديدة بايظة مش فاهم ليه…المهم انا اخدته على كرسى متحرك واسطوانة اوكسجين ورحت عملتله أشعة على صدره واخدته ورحت قسم الصدر واتحجز عناية علطول لانه كان عنده severe pneumonia

يعنى التهابات شديدة ع الرئة ….واتحجز ف العناية لمدة 3اسابيع والحمد لله التنفس اتحسن وخرج من العناية ….

المفروض ده مريض اورام يعنى المفروض يخرج يروح الاورام تانى تحت المتابعة عشان ياخد علاج الأورام اللى منتشرة في كل حتة ف جسمه …بس طبعا رئيس القسم رفض والدكتورة اللى بتعالجه قالت لما يعدى 20 يوم مش فاهم ليه ….

بالإضافة أن جاله جلطه ف رجله لما كان ف العنايه وبيتعالج منها حاليا ف البيت ومن اسبوع ظهرتله الحاجات دى ف وشه وكل جسمه.. اللى عايز أوصله أن ده مريض اورام وف درجة متأخرة جدا ومناعته شبه منتهية يعنى ازاى ده يقعد يتعالج ف البيت …ده عرضة لأى بكتريا وفيرس وفطريات زى مانتم شايفين …

ياريت الكلام ده يوصل لمحافظ الغربية ولرئيس جامعة طنطا وعميد كلية الطب وعميد كلية الصيدلة الطالب ده اعتبروه ابنكم أو ابن استاذ جامعة وعالجوه أو احجزوه ف مكان نضيف وخففوا عنه اللى هو فيه مقدمه شقيقه الدكتور احمد محمد سرحان كفىرالشرفا الشرقى م طنطا محافظة الغربية 01154708662

وأكد المواطن وليد السيد شريشر أن الحالة تزداد سوءا يوما بعد يوم وتتشد انقاذ حياة شاب طالب الصيدلة وأعلن تضامن عام مع الحالة

Follow by Email
Instagram
Telegram
WhatsApp
× اتصل الآن