أحمد مصطفى
أحمد رشدي محمد محمود . مواليد المنوفية 1924 البطل ده مسك وزارة الداخلية لمدة سنتين من 1984 لغاية 1986
قلم اللواء/سيدنوار
لكن المشكلة إن مكانش حد في الداخلية بيحبه عشان كان بيحب شغله أوي .
البطل ده إبنه كان ظابط شرطة ومرة قاله يابابا أنا زمايلي قالولي أقولك إنهم عاوزين مكافأت عشان بقالهم فترة ماأخدوش مكافأت فقاله حاضر من عينيا ..
وتاني يوم في مكتبه في الوزارة جاب طلب إستقالة وكتبه بإسم إبنه وحط عليه طوابع دمغة ووافق عليه ولما إبنه عرف قاله إنت ماتنفعش تكون ظابط طول ماأنت شايف أبوك هاينفعك .. وإبنه بقي محامي بعد كده.
المهم: البطل ده كان بينزل الفجر لابس جلابية مقطوعة وشبشب ويدخل أى قسم شرطة وعامل نفسه مضروب ويقول للظباط أنا عايز أعمل محضر في ناس ضربوني وسرقوني .. وكان الظباط بيشتموه ويقولوله إتلحق هنا .. فيروح للمأمور ويقوله إن الظباط مش عاوزين يساعدوه فالمأمور يقوم شاتمه وطارده من مكتبه .. و بعد كده يعرفهم بنفسه ويربيهم كلهم المأمور والظباط و عمل كده في أكتر من قسم شرطة لدرجة إنه عمل رعب للداخلية كلها .. البطل ده منع الحشيش في مصر وقضي علي أسطورة الباطنية وقال لو لقيتوا حشيش في مصر يبقي أنا إللي مدخله البلد .. البطل ده خلي اللواءات تنزل تنظم المرور وتحفظ الأمن في الشوارع .. البطل ده حصل علي لقب أقوي وأكفأ وزير داخلية في العالم 1985 .. البطل ده هو مكتشف رأفت الهجان وقدمه للمخابرات المصرية .. البطل ده إستقال من منصبه بعد أحداث الأمن المركزي إللي اتعملت عشان يشيلوه .. وبعد إستقالته تجار المخدرات في مصر نزلوا حشيش إسمه باي باي رشدي .. البطل ده توفي 2013 في هدوء تام وبلا شهرة أو إعلام .. ربنا يرحمه ويرحمنا برحمته الواسعة .. ناس كتير أوي ماتعرفش البطل ده لذا وجب التنويه والإشارة اليه
About The Author
