بقيت مرتاح ؟؟ بقلم دعاء عبد الوهاب

بقيت مرتاح ؟؟

بقلم دعاء عبد الوهاب

قفلت ستاير الدنيا على جراحك
ولملمت الدموع ف عينيك
ناديت على كل حكاويك اللى مهزومة
و طفِّيت الشموع حواليك
بأستيكة هروب قاسية
مسحت الذكرى من قلبك
نسيت مين اللى حَبّك يوم
ومين ف الصعب كان جنبك
أديك عايش هناك وحدك
بتغزل حزن مع نفسك
بتتدارى ف شَق الخوف
و تهرب لو لمحت براح
بقيت مرتاح ؟؟

About The Author

فريق التحرير فريق التحرير

See author's posts