ويجز: التمثيل يحتاج لالتزام وأنا غير ملتزم

كتبت آيه نجم
الوسيط اليوم
17 /7 /2023

كشف مطرب الراب ويجز عن أسباب عدم تكرار تجربة التمثيل بعد تجربته الأولى في مشاركته في مسلسل بيمبو، عام 2021، كما تحدث لأول مرة عن ألبومه الجديد وحفلاته الفنية داخل مصر وخارجها، و أكد أنه سيعوض جمهوره عن فترة غيابه بالعديد من الأعمال الفنية.

وقال ويجز خلال لقائه برنامج ET بالعربي عن التفكير في تكرار تجربة التمثيل: «لسه مختارتش حاجة، ولكن متحمس، والتجربة بتحتاج وقت كتير وتحتاج التزام، وأنا مش ملتزم اليومين دول، وإن شاء الله من يوم 1 في الشهر هلتزم».

وأشار ويجز إلى أنه في الفترة الحالية يحضر ألبوم جديد، كما أنه يستعد لإحياء العديد من الحفلات العالمية ، المقرر بدؤها في شهر أغسطس المقبل، حيث قال: «بحس إني فخور بنفسي لما بلاقي حد تاني بيغني، وبحس إن المزيكا بقى ليها شكل جديد».

و قال تابعاً: «لما حد في العادي بيقولي الأغنية حلوة بتبسط على حاجتي اللي اشتغلت عليها، ومفيش حد بيبقى راضي عن شغله مهما كان ممكن نقول 90%، وبنسبة 10% بحتاج أزودها في كل حاجة جديدة جاية».

أما عن سبب تأخره في طرح أغاني سينجل خلال الفترة الماضية، قال ويجز مازحاً: «مشغول جداً في إجازات وحمام سباحة وبحر وسحلية، تلاقيني سحلية في موضوع الصحراء».

ويجز: «حتزهقوا مني في صيف 2023»
وأشار ويجز إلى أنه يعكف حالياً على تحضير ألبوم جديد، وقال: «هتزهقوا مني»، متابعاً: «بحس إني فخور بنفسي لما بلاقي حد تاني بيغني، وبحس إن المزيكا بقى ليها شكل جديد، وناس جديدة بتطلع على طول بتعمل مزيكتها وشكلها، وده بيخليني أسخن تاني، وفيه ناس تانية شغالة بقى بقول لازم أرجع بقى».

وعن إحيائه حفلات في جولة عالمية، استطرد ويجز: «بقينا في مستوى ينفع نعمل فيه كده، وناس كتير عايزانا نشتغل بره، وحاسس إنها حاجة كويسة للعرب والمصريين اللي عايشين بره، مبيبقاش فيه فرصة يشوفوها لايف أو مزيكا وحشاهم، أعتقد هتكون حلوة لينا إحنا الاتنين؛ أنا أولاً هكتشف آفاق جديدة وبتحمس أكتر، لأن الناس اللي هناك بجد بيبقوا مبسوطين».