كلمات الشاعر: محمود الشيخ
مسكت ايام الزمن وسنينه اللى سرقونى
وقلت اْسالهم ليه اتفقو عليا وظلمونى
لجل ارتاح والعقل يهدى بافكاره
واعرف مكان الراحة وتنعس عيونى
\\\\\\\\\\\\
ليه ياسنينى سرقتى مشاعرى واحساسى
لياليكى كانت ضنى رغم صدقى واخلاصى
انا اللى كنت عايش بامالى مستنى احققها
غدرتى بيا وبقليبى وخدتى كمان ناسى
\\\\\\\\\
لاعمرى شوفت الهنا ولا عشت يوم مرتاح
ضاع الامان من قلبى وسكنت مكانه جراح
والايد قصيرة ومش قادر اعيش دنيا
الغدر فيها اساس والحب منها راح
\\\\\\\\\
يارب انت اللى عالم وعارف انى من الصابرين
مرارة الصبر فى حلقى وهاستحمل سنين وسنين
مستنى فرجك وعارف انه قريب منى
والسعد يعرف سكتى واتهنى فى عمرى يومين
المزيد من الموضوعات
أسامة حراكي يكتب: عبقري الأدب الكولومبي.. جابرييل جارسيا ماركيز
عمر الشريف يكتب: حلويات العيد
أسامة حراكي يكتب: في اليوم العالمي للفن