ذكريات
ذكريات عدت وفاتت بس عايشه فى الضلوع
السنين ودت وجابت
ولا عمرها تنوى الرجوع
بس جوه القلب دارها
والوريد هوه مسارها
والعيون مش شايفه غيرها
شمسها هيا وقمرها
ذكرياتى
راضى بيها راضيه بيا
فيها دمع وفيها حيره
فيها شوق ونار وغيره
فيها برضه حاجات كتيره
زى حب ماشوفتهوش
فيها عمر ماعيشتهوش
بس كانت سنين هنيه
مش هاترجع ايوه عارف مش هاترجع
مش هاعيشها أصله برضه معدش ينفع
بس هافضل ليها حضن
تخطفنى من اى حزن
ولما هافتكر اللى فات من ذكريات
السعاده هاتحتوينى حتى لو كانت بتوجع
ومن الفرح تنزل من عينى الدموع
من ذكريات عدت وفاتت
بس عايشه فى الضلوع
……..
انا عاشق الانا محمود الشيخ
المزيد من الموضوعات
عمر الشريف يكتب: سهم الله
عمر الشريف يكتب: الساحرة المستديرة
أسامة حراكي يكتب: الإبداع والإبتكار في يومهم العالمي