محمد هندي يكتب..قبل ما تقول انا عايز أستقر لازم تعرف تعمل إيه

لو فاكر إن من حقك تضرب مراتك “ومحدش يقول لي الضرب في “القرآن” غير لما يقرأ تفسير الضرب يعني إيه وتفسير النشوز يعني إيه”

لو معندكش طاقة تسمع حكايات مراتك، من حقها أنها تلاقي حد تفضض معاه، وصدقني تفضفض معاك أحسن ما تفضفض مع أمها او صاحبتها، او أي حد تاني.

لو مش ناوي تستحمل شوية نكد وزن، الستات بتحب الرغي والزن لانها بتشوف الحاجات بتفاصيل اكتر بكتير منك.

لو فاكر ان البنات طول الوقت حلوة لازم تحس انك بتحبها بكل حالاتها لأن ثقتها بنفسها نتيجة من حبك واهتمامك بيها بكل تفصيله فيها.

لو فاكر إن الأولاد مسؤولية الأم؛ لأ الأولاد مسؤولية والديهم، “الاثنين” مش الأم بس لأنك أنت الأساس اللي بتتسند عليه الأم.

لو فاكر إن الزوجة خادمة على البيت وتاخذ بالها منك

لو حتسمع كلام أمك أو مراتك أو أخواتك وتمشي ورا اي حد فيهم

لو ناوي لو لا قدر الله لو اتطلقتم تطردها من الشقة

لو مش ناوي ترحمها وتعدي غلطاتها زي ما عايزها ترحمها وتعدي غلطاتك

لو مش ناوي “تعرف معني الإحتواء لأنها محتاجة تحس بأهميتها عندك

تبذل مجهود في كل علاقة علشان تتاكد إنكم الاتنين مبسوطين

لو مش مستعد تقول آسف، حتى لو مش غلطان

لو مش مستعد تتعلم تكون زوج وأب

لو مش حتخلي أصحابك مش هم الأولوية، وبيتك هو الأولوية

لو حتطبق الشرع في حقوقك ومش في واجباتك وأتأكد أن زي ما عليها حقوق وواجبات، أنت كمان عليك واجبات وحقوق.

لو مش مستعد تحسن من نفسك علشان تعجب مراتك “زي ما عايزها تعمل اعمل”

زي ما حتكون سكن لك زي ما ربنا بيقول لازم تكون انت كمان سكن لها بالمعروف.