الاعلاميه مروه صبرى تعلق على ازمه الفنانه شيرين عبد الوهاب والفنان حسام حبيب …

كتبت /صفاء محمد

وسيط اليوم

٨/٧/٢٠٢٤

علقت الإعلامية مروة صبري، على أزمة الفنانة شيرين عبد الوهاب، والفنان حسام حبيب، التي شهدت تطور أخير بعد واقعة المشاجرة في الاستوديو. 

وقالت مروة صبري، خلال برنامج قعدة ستات: «العلاقة دي اللي تدمر فيها بنسبة مليون في المية حسام حبيب.. ناس كتير هتقول لي ازاي هو اللي دمرها؟ هو اللي خلاها تشرب المخدرات. هو اللي خلاها ما اعرفش تعمل ايه». 

وتابعت مروة صبري: «على فكرة هو ما خلهاش تعمل اي حاجة.. هو مريض زيه زيها.. بس هو اللي قاعد بيدفع كل الفواتير نتيجة لمرضه. نتيجة لان هو عايز يقف جنبها. نتيجة لان هو بيحبها. نتيجة لان هي مش سايباه في حاله»

واستطردت مروة صبري: «صدقوني الاتنين مرضى ببعض.. وحسام حبيب لازم يبعد عن شيرين.. ومش يبعد عن شيرين عشان هو بيضرها.. اللي بيضر شيرين هي شيرين.. هي خليها في الطريق اللي هي ماشية فيه براحتها.. عايزة تكمل فيه تكمل انت امشي عشانك».

وأضافت مروة صبري: «لو لك مستقبل مكمل لو عندك نفسية تقدر تعالجها تروح لدكتور نفسي تتعالج.. روح وخلص نفسك من السم اللي اسمه شيرين عبدالوهاب.. كفاية».