اربع مشاهد من القيم والاخلاقيات الانسانيه تعرف علي التفاصيل

٤ مشاهد للفناين تعرف على التفاصيل

كتبت/اسراء الجبالي

المشهد الاول : سنة ١٩٤٤ الفنانة اسمهان اخت فريد الاطرش توفت في حادثة … فريد دخل في صدمة كبيرة نتيجة انه فقد اخته …جاتله ازمة قلبية رغم انه كان صغير ودخل في دور اكتئاب كبير جدا …لما كان بيفتكرها كان بيبكي وهو علي المسرح … فريد مات بعد ٣٠ سنة وبالتحديد سنة ١٩٧٤ وصيته كان انه يتدفن جنب اخته

المشهد التاني : الفنان الجميل نجاح الموجي اصلا اسمه الحقيقي عبد المعطي الموجي …. نجاح ده اسم اخوه اللي كان قعيد ومريض … ولانه كان بيحبه اكتر من نفسه سمي نفسه نجاح عشان  لما يتشهر يحس انه قدم حاجة لاخوه

المشهد التالت : التؤام الاشهر في مصر .. حسام وابراهيم … الاتنين بيحبوا بعض لدرجة ان حسام قبل ما بيتحرك خطوة لازم يبقي ضامن ان اخوه معاه فيها ….لما احترف زمان اخده معاه .. لما ساب الاهلي وراح الزمالك اخده معاه ..لما بيروح يدرب اي فريق بيشترط ان ابراهيم يكون معاه

المشهد الرابع : في كل بيت فيه اخوات … اخ بيخاف علي اخواته البنات اكتر من خوفه علي نفسه … اخت ممكن تضحي عشان اخوها … اخ ممكن يقعد اسبوع كامل مش بينام عشان اخوه بيتجوز …اخوات بيلبسوا لبس بعض

• الاخوة هي اعلي درجات الحب اللي ممكن يحسها الانسان

• في الفترة الاخيرة انتشرت حوادث قتل بين الاخوات … قضايا في المحاكم عشان شوية فلوس ورق ملهومش اي تلاتين لازمه

• اخوك او اختك هو جزء منك … حافظ عليهم حتي لو هتيجي علي نفسك

• جميع الاديان لما كانت بتوصف المحبة بين المؤمنين كانت بتقول عليهم انهم اخوة ..

الاخوة نعمة من نعم ربنا علي الانسان .