رغم صغر سنه.. موهبة شعرية تتفجر

حوار / أسامة شعبان

من هو أحمد كشك.. عرفنا بنفسك؟ انا اسمي أحمد حامد كشك – ثانويه عامه – عندي ١٧ سنه – من مركز منوف محافظه المنوفيه – بكتب شعر من أولي اعدادي و كاتب حوالي ١٧٥ قصيده – عامل ديوان في الجزائر اتباع منه ٣٨٠٠ نسخه اسم ديواني حلم سجين – عضو لجنه تقييم المسابقات في دار فرسان القلم – بعض المجلات كتبت عني و بعضها نزلي شعر مثل جريدة اليوم السابع و الديره نيوز و المساء العربي و مجله العهد و الخبر و الشرق تايمز و صبايا و مصر الإخباريه و البوابه اليوم و حكايه وطن و ٢٣ يوليو و عاجل مصر و انفراد و صدى المختار و وسط البلد و الموجز العربي –

ظهرت علي التليفزيون ٥ مرات الدلتا و الاولى و التانية و مصر البلد و مش فاكر الباقية.

متى اكتشفت تميزك في الشعر؟ بدايتي مع الشعر بسبب واحده و كانت بالصدفه و أنا في سنه تانيه إعدادي الترم التاني كان فيه نص شعري عندنا كان إسمه ارض الفيروز لقيتها ارتجلت بيت شعري من النص الشعري دا و خلته بيتكلم عن الأكل فـ أنا حبيت الفكره و قولت ليه معملش زيها ! طب هو إيه الفرق بيني و بينها ! طب أجرب …

فكتبت القصيده و كنت فرحان بيها أوي و كانت بتتكلم عن الأكل بردو و من ساعتها بقى و انا كنت كل شهر اكتبلي قصيده أو اتنين و اكتر ناس كانوا بيدعموني و في مقدمتهم أمي كانت بتشجعني كتير و لما كانت بتلاقيني قاعد فاضي كانت بتقولي مبتكتبش ليه ! و بردو من الناس اللي شجعوني الشاعر الكبير و أستاذي كمال طعيمه و أستاذه حنان شوقي عرفه رئيسه قسم الموهوبين بـ إداره منوف التعليميه و استاذه هبه توفيق عرفه مسئول الموهوبين بـ إداره منوف التعليميه

ما الذي يميز شعرك ؟ –أنا بخلي كلمات القصيدة عندي تعتمد على الشعور و إلاحساس الداخلي بمعنى أصح لما بكتب القصيده و بتكون تجربه ذاتيه شخصيه ليا أنا بقدر اخليها تجربه عامه و أخلي القارئ يحس القصيده و يحس أنه عاش الموقف بالرغم من انه ممكن يكون ممرش عليه الموقف دا بس بحاول قدر المستطاع اخلي القصيده محسوسه

إلى أي مدرسة شعرية تنتمي؟ انا بفضل شعر التفعيله عن الشعر العمود عشان انا فيه مش بالتزم بوزن و قافيه محددين و عشان بستخدم فيه خيالي بشك كبير و واضح و صريح ..و كمان عشان مصدر الموسيقى في شعر التفعيله بيبقى طالع من جوايا انا – على حسب حالتي النفسية – فـ بقدر اوصل المعنى بسرعه للقارئ ما رسالتك من الشعر؟ رسالتي من الشعر هي عباره غن نصيحه من تجربه في هيئه قصيده؟ كيف كانت بدايه خطواتك و من ساعدك ؟ – هي بدايتي مع الشعر بسبب واحده و كانت بالصدفه و أنا في سنه تانيه إعدادي الترم التاني كان فيه نص شعري عندنا كان إسمه ارض الفيروز لقيتها ارتجلت بيت شعري من النص الشعري دا و خلته بيتكلم عن الأكل فـ أنا حبيت الفكره و قولت ليه معملش زيها ! طب هو إيه الفرق بيني و بينها ! طب أجرب … فكتبت القصيده و كنت فرحان بيها أوي و كانت بتتكلم عن الأكل بردو و من ساعتها بقى و انا كنت كل شهر اكتبلي قصيده أو اتنين و اكتر ناس كانوا بيدعموني و في مقدمتهم أمي كانت بتشجعني كتير و لما كانت بتلاقيني قاعد فاضي كانت بتقولي مبتكتبش ليه ! و بردو من الناس اللي شجعوني الشاعر الكبير و أستاذي كمال طعيمه و أستاذه حنان شوقي عرفه رئيسه قسم الموهوبين بـ إداره منوف التعليميه و استاذه هبه توفيق عرفه مسئول الموهوبين بـ إداره منوف التعليميه

ما هي أهم شهاده تعتز بها ؟ – أعتز جدا بشهادة أمي و اعتزاز ابويا و تفاخره بيا قدام صحابه و شهاده اساتذتي بيا زي أستاذ ياسر الصعيدي أبويا الروحي و مدرس العربي اللي حببني في الشعر و حببني في اللغه العربيه كـ كل و كان بيصححلي أخطائي الإملائية و النحويه في الشعر و كان بيبث فيا الأمل و بيشجعني جدا .. و أخويا قبل استاذي أحمد الغرباوي اللي اول ما عرف اني بكتب شعر شجعني و قالي متلتفتش للمنتقدين و المُحبطين هما غيرانين منك عشان أنت احسن منهم .. و أستاذي الفاضل مجدي البهنيهي اللي لازم كل حصه يشيد بيا في الدرس و يشجعني و دايما كان بيقولي شاعرنا الهُمام .. و دول كان بيدوني طاقه كبيره اني أكتب و أكمل في طريق الكتابه

هل من أشعار لديك رفضت أن تظهر للنور و لماذا ؟ – هو آه فيه قصايد اترفضت و مظهرتش للنور و السبب لأني معرفتش أجمع فيها بين إني أوصل المعني و الاحساس للقارئ و إني اظبط الوزن و القافيه فـ كنت بظبت حاجه على حساب حاجه تانيه دا كان السبب الوحيد إن بعض القصايد ليا تترفض.

كيف تنمي موهبتك؟ – هي عوامل تطوير الموهبه دي بفضل ربنا سبحانه و تعالى ثم بالقراءه لكُتاب كبار زي عبد الرحمن الأبنودي و صلاح جاهين و المتنبي و البحتري و نزار قباني… إلخ ثم بحب الناس لان فعلا الناس لو حبتك فإعرف علطول إن انت نجحت و لازم تخلى عندك اعتقاد و يقين بإن انت اللي بتحدد نجاحك و إخفاقك ، و مين فينا مش بيحب النجاح و مين فينا بيحب الفشل؟! مفيش حد بحب الفشل … النجاح و التطور هو إن انت تبدا تحط هدف تسعى إليه وبعدين تبدأ بأول خطوه نحو الهدف دا ، غير مفهوم الفشل عشان هو مفيش فشل في الحقيقه ، و أول خطوه في تغير الفشل بتبدأ في عقلك أنت … فـ لو عرفت تغير مفهوم الفل و إنك مش اقل من اللي وصلوا و إنك تقدر تعمل كل حاجه إعرف إن انت نجحت.