انتصارات اردوغان خلال ٢٤ ساعه الماضيه فقط

كتبت نورهان طاحون

وسيط اليوم

الخليفه العثماني أعلن انه تم ارسال قواته الجباره إلى ليبيا
*الاتحاد الأوروبى رفض الغزو التركى لليبيا
*تونس والجزائر رفضتا التعاون لدعم الغزو
*الجيش الليبى استعاد مدينة سرت بالكامل فى ساعتين
*تم استعادة مطار وميناء سرت بالكامل
*الجيش الليبى استولى على الاسلحه والمدرعات التركيه
*المرتزقة الأتراك هربوا والباقى تم استسلامهم بالكامل
*السراج يطلب حماية المجتمع الدولى من المحاكمه

*الخليفه العثماني يبحث عن حل للفضيحه إللى هو فيها وطبعا هايشوف طريقه يدارى بها الخيبه خلال الفتره القادمه

مش عارف رئيس دوله زى ده وجيش زى ده ازاى اخذوا قرار الغزو وهم مش عارفين هاينزلوا معداتهم واسلحتهم فين ولم يجهزوا مسرح وخطة الحرب….والله لو كانت خناقه فى حاره كان عيال الحاره هايظبطوا الدنيا احسن من كده.
صحيح الحماقه اعيت من يداويها…وصدق ترامب لما قال له (يا أحمق)

الله يرحم الشاعر صلاح جاهين عندما كتب قصيدته(تركى بجم) عندما هددت تركيا بغزو سوريا عام ١٩٥٧ فكتب:

تـــركى بــجم .. سِــكِر إنـسجم
لاظ شــقلباظ .. اتــغاظ هـجم
أمــان أمــان … تــركى بــجم

دبــور جــبان مـن غـير زبـان
زنـــان كبير .. يمـــضغ لبــان
يســـمع نفـــير يخـــاف يــبان
أمــان أمــان … تــركى بــجم

سـوس بازفان .. أقـطع لسان
عربــــى واقـــف لـك ديــدبان
ادخـــل تمــوت جـــنات مـكان
أمــان أمــان … تــركى بــجم

سيكتير زمان .. سيكتير كمان
ادخــل ح نـضرب فى المــلان
خـــليك تـــقول أنـــا جـلفـدان
ولا يــــــنفعوك الأمــــــريكان

وانتظروا باقى انتصارات وشقلبظات وجعجعة البغبغانات.
ولغاية دلوقتى مصر والعالم بيتفرجوا على الخيبه الثقيله
وهكذا كان تاريخ الدوله العثمانية (غباء ومؤامرات وقتل وجهل واستغلال لخيرات الشعوب واستعبادها.