كتب خالد علم
كثيرا ما نسمع عن خلافات بين الازواج وخصوصا الحموات حتى يصل الامر بين الزوج والزوجه الى الطلاق بسبب انجاب البنات ولكن بعد ان تقرأ قصتى حتقول هنيئا لك يا ابو البنات.
= كان في عريس وعروسة لسه متجوزين جداد وليله الفرح إتفقوا مع بعض إن تاني يوم “الصباحيه” هيقضوا اليوم مع بعضهم وينبسطوا ومش عايزين حد معاهم ومش هيفتحوا الباب لأي حد خالص مهما كان سواء زائر أو أهل العريس أو حتي أهل العروسه .
تاني يوم الباب خبط .. بصوا من العين السحريه لقوا أهل العريس .. بصوا لبعض بس كان بينهم إتفاق انهم مش هيفتحوا لحد .. فقرروا ينفذوا الاتفاق ومفتحوش الباب لأهل العريس .
بعد شويه الباب خبط تاني .. ولما بصوا من العين السحريه لقوا أهل العروسه .. بصوا لبعض تاني عشان يكملوا الاتفاق .. بس العريس فوجئ إن عروسته بتعيط جامد .. فلما سألها بتعيطي ليه قالتله “” مش هاين عليا أبويا وأمي يكونوا واقفين قدام الباب ومفتحهلهومش ” .
العريس سكت وكتمها في قلبه عشان ميزعلهاش في أول يوم ليهم مع بعض .. وبعد سنين ربنا رزقهم ب4 ولاد والولاده الخامسه كانت بنت .. الراجل فرح جداااااا بالبنت أكتر من فرحته بال4 ولاد لدرجه إنه عمل أضحيات كتير ووزع هدايا علي الناس بمناسبه المولوده البنت .
الناس اتعجبت وقالتله إنت ليه فرحت أوي مع ولادة البنت أكتر من فرحتك بالولاد .. رد بثقه وقالهم ( أصلها هي اللي هتفتحلي الباب ) .
قال رسول الله (لا تكرهوا البنات فإنهن المؤنسات الغاليات).
هنيئالك يا ابو البنات
المزيد من الموضوعات
الأوقاف تفتتح 13 مسجدًا الجمعة القادمة في إطار خطتها لإعمار بيوت الله عز وجل…
وزير الأوقاف يستقبل محافظ الوادي الجديد ويبحثان التعاون المشترك في الدعوة وعمارة المساجد بالمحافظة…
الرئيس السيسى يكرِّم المفتى السابق شوقى علام بوسام العلوم من الطبقة الأولى…