“قالي أنا بحبك”.. عباس أبو الحسن يكشف التفاصيل الكاملة لواقع

10:52 م


الجمعة 29 يناير 2021

كتب- عبد الفتاح العجمي

تحدث الفنان عباس أبو الحسن، مساء الأربعاء، عن واقعة التعدي عليه من قِبل طبيب الأسنان المتهم بالتحرش بالرجال، مقدما شكره إلى رجال نيابة مصر، قائلا: “فخور برجال نيابة مصر، واحترام خصوصية الجميع، وأوجه لهم جزيل الشكر”.

أضاف أبو الحسن، خلال حواره مع الإعلامي عمرو أديب، مقدم برنامج “الحكاية” عبر فضائية “mbc مصر”: “قصتي مع الطبيب تعود لـ35 سنة فاتت، واتعرفت عليه في الجيم، في الأول مظهرش منه حاجة، وبعد سنة ولا حاجة بدأنا نعرف أنه فتح الباب على حد وهو بيستحمى ووقائع مشابهة”.

تابع: “الواقعة مهينة جدا، وتخض جدا وبيحصل اضطراب لما حد يتحرش بك ويمسك أحد أعضاءك، وبعدها عمل كده تاني من تقريبا 20 سنة، ومرة تالتة لقيته جاي ورايا وأنا بشرب سجارة، وشعرت بإهانة شديدة، والواقعة الأخيرة كانت في شهر يونيو اللي فات جنب قسم الدقي، قالي أنت زعلان مني ده أنا بحبك ومد إيده عليّ داخل الأسانسير وضربته”.

واصل: “الطبيب ده طلع معروف أنه بيعمل الوقائع اللي زي دي كل يوم والتاني، ولما كان حد بيضربه كان رد فعله بيكون غريب جدا، مكنش بيقاوم خالص، واللي شجعني حملة البنات في أنهم يتكلموا عن وقائع التحرش التي حدثت لهن”.

استكمل: “أنا فجرت القضية حول ذئب بشري، ولكن مقدرش أقول أنا اللي عملت ده.. الموضوع صعب أوي.. التحرش بالرجل ده حاجة غريبة علينا أوي كمجتمع، وكمية ردود الفعل مرعبة، الناس مكنتش بتعرف تفتح بوقها قبل كده”.

وكانت وزارة الداخلية قد أعلنت إلقاء القبض على طبيب أسنان شهير بتهمة التحرش الجنسي، والذي أعلن عدد من المواطنين أنهم من ضحاياه ومنهم الفنان عباس أبوالحسن والمطرب تميم يونس.