“اعتزلت خالص”..الفنانة ميمي جمال تعلن رسميًا اعتزالها الفن –

10:07 م


السبت 30 يناير 2021

كتب- محمد خميس:

كشفت الفنانة الكبيرة ميمي جمال، عن حقيقة اعتزالها الفن، قائلة: “خبر اعتزالي للفن حقيقي ومن وقت ما توفى زوجي الفنان حسن مصطفى، فضلت حوالي عام أو عام ونصف وأنا تعبانة نفسيًا واتهزيت شوية ومكنتش قادرة أعمل حاجة”، مضيفة: “لما أحمد حلمي عمل فيلم لف ودوران قالولي إني هعمل دور أمه وهو عايزني أعمله”.

وأضافت “ميمي” في مداخلة هاتفية لبرنامج “المساء مع قصواء” على فضائية “TEN” اليوم السبت: “بعد ما عملت فيلم لف ودوران قلت كفاية كده بقى لأني اشتغلت كتير وبشتغل من وأنا عندي 9 سنين”، متابعة: “عملت فيلم أقوى من الحب وفيلم اخر مع الفنان الراحل كمال الشناوي وزهرة العلا”.

وأوضحت: “والدتي هي اللي قدرت تساعدني في تربية ولادي وقلت كفاية بقى أشوف ولادي وأحفادي ونفسي شوية بقى”، مؤكدة: “أنا اعتزلت خالص بقى، والكلام عن الخلافات بيني وبين أولادي أو أحفادي مزعج بالنسبة لي، وأنا مقلة في الحديث والرد تليفزيونيًا عن أي أخبار عني”.

وأكدت: “الأمر مجرد شائعات وعار تماما من الصحة، امبارح كنت بتغدى مع بنتى، ربنا يخلي بناتى وأحفادي”.