محمد منير: الحفلات الغنائية الجماهيرية “وحشتني جدًا”

11:16 م


الإثنين 15 فبراير 2021

وأضاف منير، خلال مداخلة هاتفية مع الإعلامية لميس الحديدي ببرنامج “كلمة أخيرة” المذاع على فضائية “ON”، مساء الاثنين: “مفيش ألبوم في حياتي نزلته إلا وحبيته، ومفيش حاجة في حياتي بعملها إلا عن طريق الحب في كل علاقتنا.. وده مش رأيي لوحدي كل جيل المطربين كده، وربنا يدي طول العمر للفنان عادل إمام ويسرا وإلهام شاهين وصفية العمري، إحنا والناس دي اللي فاضلين من أجمل حاجة في مصر”.

وعن أقرب أغاني الحب لقلبه قال: “هرد بنفس الإجابة وأقول هي الأغنية اللي لسه إنتوا مسمعتوهاش، اللي هي لسه عندي في السر، وطالما المصنف الفني نزل السوق فخلاص علاقتي بتنقطع بالأغنية بفكر بعدها في الجديد والجديد مليان”.

وعن ألبومه الجديد “باب الجمال” الذي طرح منه ثلاث أغنيات، قال منير: “طبيعة الإنتاج تغيرت بعد عصر الكاسيت، ودلوقتي مع تطور العصر بقى فيه الإنترنت، ومع ذلك الحرامية منتشرين عليه، لكن في النهاية هي دي موضة الزمن، عشان كده المنتج بيضطر يسرب الأغاني كل أسبوعين وكل شهر وهكذا”.

وعلق منير، على تصدر فيديو أغنية “على صوتك بالغنا” مع رقصة الفنانة ليلى علوى مواقع السوشيال ميديا بمناسبة عيد الحب، قائلًا: “ده بس عشان ليلى علوي فنانة حلوة وجميلة”.

وذكر منير أنه يتناول فكرة الحب في أغانيه بطرق مختلفة؛ لأنه كل يوم يتنقل من قلب إلى قلب، متابعًا: “عشان كده خايف على الأجيال الجديدة عشان الطلاق بيحصل بسرعة، والأولاد بيشوفوا البنات في الصيف بالمايوه، وفي الشتا يطلق، عشان كده البنات بتطلق كتير”.

وأضاف مازحًا: “أي بنت مُطلقة أنا جاهز للجواز”.