“صورة من 11 سنة”.. رسالة محمد سامي لزوجته مي عمر بعد نجاح “ل

04:56 م


الأحد 21 فبراير 2021

كتب- عبدالفتاح العجمي:

وجه المخرج محمد سامي، رسالة لزوجته الفنانة مي عمر، بعد نجاح مسلسلها “لؤلؤ” والذي عُرض خلال الفترة الماضية عبر قناة ON.

ونشر سامي صورة له مع مي عبر حسابه بموقع “إنستجرام”، وعلّق: “دي صورة ليّا أنا ومي من 11 سنة، كنا بنفكر في أحلامنا ومستقبلنا وبنتمنى حاجات كتير، ربنا ادانا أكتر منها كمان، عشان حاجة مهمة بعد كرمه وعطاءه، عشان بجد بنحب بعض وبنساعد بعض طول الوقت في تحقيق أحلامنا”.

أضاف: “بيتهيألي إني صعب كنت أنجح فى شغلي من غير دعم ومساندة مي ليّا طول الوقت، الدعم ده حاجات كتير قوي محتاج مليون بوست عشان تتكتب كلها، والنهاردة أنا وهي بنحتفل بنجاحها اللي تعبت فيه واشتغلت عشانه كتير، ووفقت بصعوبة بين بيتها اللي مخلياه جنة ليّا أنا وبناتي وبين أهلها وحياتها وشغلها، وفي الآخر نجحت نجاح كبير يفرح بيها كل محب ويثير غيرة وحقد الكارهين”.

اختتم: “مبروك حبيبتي وبنتي ومراتي الغالية، ودايما ناجحة ومتفوقة، وتحية لكل ست ناجحة وعارفة توصل لنجاحها رغم واجباتها تجاه أسرتها”.

مسلسل “لؤلؤ” بطولة: مي عمر، أحمد زاهر، إدوارد، نجلاء بدر، نرمين الفقي، محمد الشرنوبي، هيدي كرم، سلوى عثمان، عماد زيادة، حمدي هيكل، هدير عبدالناصر، محمد مهران، جوري بكر وغيرهم.

“لؤلؤ” قصة مي عمر، سيناريو وحوار محمد مهران، إخراج محمد عبدالسلام، إشراف على التأليف والإخراج محمد سامي.