03:38 م
الثلاثاء 02 مارس 2021
كتبت- ياسمين الشرقاوي:
روت الفنانة مها أبو عوف، قصة محاولتها الإنجاب طيلة 15 عامًا، واستسلامها لفكرة إنها لن تُنجب واتجاهها للحل البديل وهو التبني.
وروت “مها”، خلال لقائها ببرنامج “صاحبة السعادة” مع الفنانة إسعاد يونس قائلة: “قعدت 15 سنة بحاول أخلف وروحت بلاد كتير أوي وعملت كل حاجة، واتعذبت كتير جدا في موضوع الحمل الكاذب وطلع مرض خطير”.
وتابعت: “الدكاترة فى أمريكا قالولي إنسي خالص موضوع الحمل، وهنضطر نشيلك الرحم عشان ميجلكيش الحمل الكاذب فرفضت، ونزلت مصر وقولت خلاص سلمت امري لربنا وفكرت اتبنى”.
وأضافت: “فى يوم تعبت أوي فقولت لعزت، فقالي لازم تكشفي وفعلا روحت المستشفى والدكاترة طلبوا مني بعض التحاليل وكانت المفاجأة أني حامل، جالي انهيار من الفرحة وركبت العربية و روحت عشان أبلغ منى أختي، ومن الفرحة نسيت بناتها فى المستشفى”.
واستطردت: “عزت لما عرف قالي لازم نكلم الدكتور، وفعلا جه وشافني فعيط لما عرف، وقال طبيًا كل الحاجات بتقول أن أختك متخلفش لكن هي علمتني إن مقولش لأي ست أنتي مش هتخلفي”.
واختتمت مها أبو عوف حديثها قائلة: “الحمد الله جيبت ابنى وكنت خائفة عليه من كل حاجة و عزت قالي مينفعش التريبة كده لازم تسبيه يخرج ده ولد”.
المزيد من الموضوعات
وزير الثقافة يستقبل الفنانه أنغام لبحث الترتيبات الخاصة بالحفل الغنائي الذي تنظمة وزارة الثقافة نوفمبر المقبل…
مائدة مستديرة تحت شعار: “جميعا من أجل الصحة النفسية ورفاهية الشباب…
النجمة التونسية درة انتهت من تصوير أولى تجاربها الاخراجية…