“أنا مش متسلطة وعشت تجربة الإدمان مع أخويا”.. تصريحات نادية

05:08 م


السبت 13 مارس 2021

كتبت- بهيرة فودة:

حلت الفنانة الكبيرة نادية الجندي ضيفة على برنامج “السيرة”، التي تقدمه الإعلامية وفاء الكيلاني على شاشة “Dmc”، والذي جاء في جزأين.

في هذه السطور نستعرض لكم أبرز تصريحات نادية الجندي..

– متعودة أقرأ قرآن قبل أن أدخل أي مشهد أو عمل.

– أنا إنسانة رومانسية جدا وعاطفية جدا.

– مفيش راجل يقدر يقص لي أظافري إطلاقًا.

– أنا برج الحمل .

– شفت في عماد حمدي صورة والدي.

– عمري ما بصيت لعماد حمدي أنه سبب لوصولي في الفن.

– عشت تجربة “الإدمان” مع أخويا وما أقدرش أنكر ده.

– مؤسسة الصحة العالمية ادتني جائزة عن فيلم “الباطنية”.

– عمر الحظ ما خدمني .

– والدتي “ست بيت” كانت مش بتشتغل وعايشة لأولادها.

– أمي لها الفضل إنها وقفت جنبي، هي اللي شجعتني على الرياضة.

– أمي كانت بتروح معايا الاستديو وأنا صغيرة.

– أنا مش متسلطة، أنا قوية ولكن في الحق وليس الشر.

– أنا بعرف أخد حقي، أقدر أحمي فني واسمي وتاريخي.

– يحيى شاهين دخل علينا المدرسة علشان يختار بنت تمثل معاه واختار زبيدة ثروت.

– أنا أتضايقت إنه ما اختارنيش، بعدها روحت لبابا قلت له إشمعنا اختار بنت من عائلة كبيرة، وأنت مش موافق.

– والدي وافق إني أمثل بس بشرط استمر في دراستي.

– صاحبت نجوى إبراهيم وهي كانت بتضرب موسيقى في فسحة المدرسة وأنا أرقص.