كلمات د غادة مصطفي ماشي تحكي و تعيب في طب ليه كده مش خلاص أفترقنا و أتفقنا أن خلاص كفاية كده و أن مش بالضروري أفضل أعاني قصاد جحود قلبك ليه راجع تاني تتكلم و تلف تشكي و تقول أنا مظلوم أنا تعبان أنا ندمان ليه هنت عليها كده عجيب أمرك يا أخي ليه واحده طب قول ألف ليه و ليه دانت مسبتليش ذكرى حلوة أفتكرها كل ما تيجي في بالي أفتكر قد أيه كنت قاسي كنت ناسي كنت بايع دلوقتي بتسأل ليه عندك حق أنا الي كنت بغزلك بأيدي بدل العذر ألف عذار و بفصل من خيانتك عيب في لجل متقلش في عيني آه يا عيني على الحبيب أما بيكون مخدوع ورابط على عينيه قماشة سودة لجل ميشوفش غدر حبيبه، و مغطي ودنه بأيده لجل ميسمعش فضلت أزرع في أرضك و تحصد خيري سنين من غير تمن و كنت راضية و مسكت حيطان البيت بأيدي لجل تفضل واقفةب عاوز أيه تاني مستغرب أني مشيت خدعك كتر صبري عليك خدعك كتر فرصي ليك أفتكرت هفضل طول عمري أسيرة ليك تكذب و تقسا و تخون و أنا راضيه ههههه لا خلاص معلش مش فاضية زمن الفرص خلاص عدا ولا و معدش في حيل يادوب ألم الباقي مني، و أبدأ طريقي من جدي بزيادة بقى لا عاد في رجوع و لا عاد في خضوع كل الخضوع مرفوض متفكرش أبدا أني أرجع لقلبك الأسود و أن كلموني تاني عنك و قالولي أرجعي ليه مش راضية، مش هعيد و ازيد زيك ولا قول أسباب هضحك من قلبي و أقولهم لا خلاص معلش مش فاضية
المزيد من الموضوعات
وزير الشباب والرياضة يشهد صالون رؤي الشباب في نسخته الرابعة والذى يقام بمكتبة الإسكندرية بمشاركة2000شاب وفتاة…
وزيرة الثقافة تعلن برنامج “مصر ضيف شرف” معرض أبوظبي للكتاب
أسامة حراكي يكتب: ثورة تسابق الزمن وتختصر القرون وتحطم المركزية الإبداعية