يكشف الرئيس« عبد الفتاح السيسى» لأول مرة/ اللواء سمير فرج كان قائد كتيبتى و«العين مش هتترفع عن الحاجب»….
كتبت /شيرين شرف
وسيط اليوم
6/10/2021
قال « الرئيس عبدالفتاح السيسى » إن اللواء سمير فرج “مدير الشئون المعنوية ” الأسبق كان قائدا لكتيبته فى الجيش منذ نحو 40 عاما….
وأضاف « السيسى »على هامش الندوة التثقيفية للقوات المسلحة فى” ذكرى حرب أكتوبر ” اللواء سمير فرج كان” قائد كتيبتى ” وعمره ما ذكر ده وده أمر مش هقول هقدره عشان أنا رافضه لكن أنا بقدره….
وكما أوضح « الرئيس عبد الفتاح السيسى » كنت ملازم أول وقالوا المقدم سمير فرج جاى يمسك الكتيبة وكان السمعة والقدرة العلمية معروفة جدا وكان وقتها ” راجع من بريطانيا ” ولما روحت بريطانيا كان أشهر حاجة المناظرة اللي تمت بين« شارون واللواء سمير فرج » طب أنا اتعلمت إيه منه اتعلمت منه حل المشاكل خدنى” ظابط استطلاع ” وفوجئت إن كل المشاكل بيلاقى طريقة لحلها( بهدوء ويسر وفكر) وكان ليا حظ إنى خدمت معاه« كقائد للفرقة 33» فأنا بوجه ليه كل التحية والتقدير…
ورد « اللواء سمير فرج » عمرى ما ذكرت هذا حتى لا يقال أننى أتملق ولن أتحدث فى هذا الأمر مطلقا كنت «ملازم أول عبدالفتاح سعيد السيسى»ويوم ما سبت الكتيبة كتبت التقرير السرى وعملت التقرير وكان الملازم أول الوحيد اللي خد تقدير امتياز كنت حضرتك ولما كتبت الامتياز كتبت فى تقرير ليه (الامتياز كنا بنلف فى عربية جيب وحصلت عاصفة رملية وبلغنا قيادة اللواء وبعتوا بلدوزر والكتيبة كان فيها مواقع مناعية وقلت النهار له عينين والملازم عبدالفتاح السيسي قالى المدنيين لازم يعدوا الصبح ونزل الملازم عبدالفتاح يفتح الطريق،وقالى” أنا حافظ الطريق يا فندم “وكلم الشئون الإدارية يجهزوا الفطار وغير الفطار من( جبنة بيضة إلى عدس عشان الشتاء) وطلب توزيع (جبنة مثلثات بدل الجبنة اللى في صفايح عشان أسهل) وتاني يوم قالى تمام فى كل شيئ)الظابط اللي ياخد كل القرارات دى يبقى صاحب قرار الكلام ده من« 40 سنة »وإديتك امتياز ومكنتش عارف إنك هتكون« رئيس جمهورية» القرار شفته لما بتخلص مصر من
« الإخوان»….
وتابع السيسى/: قراراك بتخليص مصر من الإخوان هيتكتب بعد 100 سنة كل اللي بتعمله كوم والإخوان كوم فى اليوم ده افتكرت الملازم عبدالفتاح السيسى بفتخر إنى كنت مع حضرتك ليرد السيسى لأ يا فندم أنا اللى كنت مع حضرتك…
وأضاف ايضا «الرئيس عبد الفتاح السيسى» عمر العين ما هتترفع عن الحاجب وبشكر (الدكتور مفيد) عن اللى قاله لأن الندوة دى كان فيها استدعاء للتاريخ بيدوقونا طعم اللى اتعمل.…
المزيد من الموضوعات
الجولة الأولى للمشاورات السياسية بين مصر وجنوب أفريقيا بالقاهرة…
مجلس الوزراء يوافق خلال إجتماعة اليوم برئاسة الدكتور مصطفي مدبولي علي قرارات …
استقبل الرئيس السيسي اليوم وزير العلاقات الدولية والتعاون الدولي بجنوب أفريقيا “رونالد لامولا”