نجيب محفوظ وحديث الصباح والمساء…

كتبت/تغريد نظيف

وسيط اليوم

2022/5/9

هي واحدة من أهم الروايات الأسطورية لنجيب محفوظ مسلسل عبارة عن تحفة فنية لا يمل محبيه ابدا من إعادة مشاهدته.

كتير من الناس ماتعرفش أن الرواية الأصلية لنجيب محفوظ كان السرد فيها مش قصة زي ما ظهر لا دي عبارة عن سرد لاسماء الشخصيات وفقا للحروف الأبجدية يعني مثلا اول صفحات الرواية بتشرح شخصية احمد المراكيبي وشكله وحياته وبعدين شخصية بليغ ابن معاوية وهكذا باقي الشخصيات بدون قصة مترابطة واحداث وسيناريو هي فقط عرض للشخصيات وأحوالها 

نيجي بقي للعبقري اللي حول الرواية الي قصة ليها بداية ونهاية وشخصيات مترابطة وعمل سيناريو وحوار كل جملة فيه بقيمة مسلسلات هذه الأيام العبقري دي هو الاستاذ محسن زايد اللي فصل كل شخصية وأحداثها وربطها بالشخصيات التانية وزمنها 

وكمان منقدرش ننسي اختيار الشخصيات اللي حرفيا منقدرش نتخيل أن حد تاني يقوم بالادور غيرهم حتي لو كان دور بسيط وحلقاته قليلة زي شخصية احمد ماهر اللي محدش يقدر ينسي مشهد بكاءه وارتجاف صوته وهو بيحس باقتراب القدر 

وسوسن بدر ودلال عبد العزيز وعبلة كامل هي وعفرتها ابو الحسن اللي كان كفيل ميخلناش نخاف ليالي كتيرة .

وخالد النبوي اللي يعتبر الدور دا فارق في تاريخه 

الحقيقة كل نجوم المسلسل كانوا رائعين محدش يقدر ينسي مشهد موت نعمة وعبلة كامل بتودعها (ياعشرتك الطيبة يا نعمة )

 أو مشهد معاوية وجليلة لما خرج من السجن 

وغيرها وغيرها دا غير اغنية التتر (لحظة ميلاد الفرح كان في حبيب رايح ) المسلسل كله ممتع ولا تمل منه ابدا ويحتاج الي صفحات ويستحق التكريم .