روتين يومي لكعب ناعم مثل الاطفال

كتبت تغريد نظيف

وسيط اليوم

٢٠٢٢/٦/٢

 

معظم السيدات تعاني من  مشاكل تشقق الاقدام و خصوصا في الشتا

 

عليكي بهذا الروتين يوميا و روتين أسبوعي علشان تخلي رجليكي زي البيبيهات

 

الروتين الاسبوعي

 

– بتجيبي طبق مايه سخنه وتحطي فيها ملح و خل

و تسيبيها لحد ما تبوش

 

-بعد كده بتبردي كعب رجلك كويس ب الحجر او ب مبرد الرجل

 

– بتعملي سكراب للرجل كلها وتسيبيها من عشر لربع ساعه عليها (ماسك دقيق الرز و لبن بودر و مايه او لبن ) بيفتح و يقشر في نفس الوقت ❤

 

– تغسليها و تشيلي زوايد الجلد من جنب الضوافر

 

– بعد كده الترطيب اهم حاجه ده اللي هيخليكي تحافظي علي النتيجه و متتشقش منك تاني وتحافظي علي نعومتها دايما ترطبي و تلبسي شراب

 

الترطيب ب كريم جلايسوليد وبعد كده فازلين

فازلين لوحده مينفعش الفازلين بيحبس الترطيب مبيرطبش

لو حطتيه لوحده هتحسي بنعومه موقته

 

الروتين اليومي

 

– ترطبي رجليكي ب جلايسوليد و فازلين و وتلبسي الشرب دايما