نصائح منزليه

كتبت تغريد نظيف

وسيط اليوم

٢٠٢٢/١٠/٧

تكات لنظافه مثالية

الليفه 

دي كارثه 

بالنسبه لليفة المواعين يوميا حطيها في ماء وكاربونات الصوديوم لتاني يوم 

وشوفي الميه اللي حتنزل منها سودااااء 

دي ميكروبات وفيروسات وبقايا الاكل لازم تتخلصي منها يوميا ياقمر

بالنسبه لليفة الاستحمام 

بعد كل استخدام اشطفيها بديتول مخفف لتعقيمها وتطهيرها ضروري وبالاخص لو افراد الاسره مشتركين في ليفه واحده 

قطاعة الخضار ( اللي بنقطع عليها الخضار)

لازم يبقى عند اتنين واحدة للخضار وواحدة للحوم 

طب مافيش غير واحده هنعمل ايه

 ازاي تنظيفها وتعقميها وتطهريها 

بعد الاستخدام هاتي 

ملح ليمون+خل+ليفة مواعين 

ادعكيها بالخلطه وسيبيها عليها شويه وبعدين اشطفيها وبعدين نشفيها لازم تنشفيها كويس وبعدين حطيها تحت الشمس في البلكونه 

ودي افضل واصح طريقه 

وكمان حتلاقي القطاعه رجعت جديده وزي الفل

 الملاعق الخشب 

بيدخل جواها بقايا الاكل في مسام الخشب واحنا بنغسلها بس 

لازم تغسليها لو معندكيش الخلطه السابقه  

ولو مفيش الخلطتين اغسليهم بخل وسيبيهم في الشمس وكده حيبقوا ولا انظف من كده