الأم العصبيه ..

كتبت تغريد نظيف

وسيط اليوم

29/10/2022

الام اللي بنسمعها بتزعق ف ولادها ليل ونهار !

متيجو نحول نظرة الانتقاد دي لنظرة تانيه ونشوف اي اللي وصلها لكده !

أكاد اجزم ان الام العصبيه دي هشه جدا ومفيش في طيبتها محتاجه بس حد يقولها مالك او يشيل عنها شويه 

طاقتها مهدوره في مشاكل وصراعات ودرجة تحملها تحت الصفر % ، شايله حمل كبير فوق كتافها 

المسمي الادق هي “ام مضغوطه”

لو مش هنبررلها افعالها ولا نعذرها 

ياريت منزودش همها ونسيب كل واحد في حاله ..

لو عرفت تساعد بكلمه طيبه او تخفف من اعباءها خير .. معرفتش اسكت فضلا! 

اكيد اللي هي فيه ده غلط عليها وع نفسية اولادها واللي حواليها .. بس مفيش حد في الدنيا بيختار حياته .. مفيش ف الحياه اوبشن اختياري للرفاهيه! 

مش هنضغط ع زر حذف الاعباء من فايل حياتنا فهتتحذف ..