جدول لترويق البيت

كتبت تغريد نظيف 

وسيط اليوم

٢٠٢٢/١١/٤

التنضيف اليومي هيكون اوضه اوضه بمعني تخلي لكل اوضه ربع ساعه فقط وان شاء الله لو مشيتى علي الجدول ده هيكون بيتك علي طول نضيف ومش هياخد معاكى وقت التنضيف

اولا غرفه النوم

رتبي السرير لمي الكراكيب مع ان مفروض اوضه النوم مافيهاش كراكيب

لمى الهدوم لمعي الخشب ولمعي الزجاج

نضفي التسريحه اكنسي الارض وامسحي بمعطر اوديتول او كلوركس الوان تحفه الكيس ب2 جنيه بريحه الورد تحفه

عطري الاوضه وغيري الكيس الي في البسكت ماهو لازم كل اوضه فيها بسكت من ابو 2ونصف دول واقفلي الباب 

تانيااوضه الاولاد

رتبى السراير لمى اللعب والكراكيب بتاعتهم في باسكت ولو اولادك كبار لازم تعوديهم علي لم حاجتهم لوحدهم

 الهدوم اللي مش نضيفة علي الغسالة والنضيف علي الدولاب

لمعي كل الخشب الي في الاوضة اكنسي الارض وامسحي الظاهر من السيراميك

غيري كيس الباسكت وافتحي الأوضه تتهوي وانتى بتشتغلي ساعه واقفلي علشات التراب

عطري الأوضه واقفلي الباب

ثالثا الانتريه والصالون

 زي بعض ممكن الانتريه لو هيا أوضه المعيشة زي عندي مجهودها اكتر

رتبى الكراسي ونفضيها امسحي الخشب

لمي الكراكيب نظمى المكتب ومكتب الكمبيوتر

اكنسي الارض وامسحي الظاهر من الارض

عطري وغيري الكيس بتاع الباسكت اقفلي الباب بتاع الأوضه لو بيتقفل انا الانتريه في اوضه والصالون في الصاله

رابعا المطبخ

 روقي الرخام لمي المواعين في الحوض

اغسلي الرخامه اغسلي البوتجاز اكنسي الارض

اقفي اغسلي المواعين والأرض نضيفه علشان لو وقعت مايه علي الارض تكون الارض مكنوسه ميلزقش التراب

امسحي السيراميك الي حوالين الحوض واغسلي الحنفية

امسحى الأرض لمى الزباله في كيس ونضفي بسكت الزباله اوعي تسبيه يوم من غير غسيل

افرشى الأرض البوست من صفحة 

خامسا

الحمام اعزكم الله

نضفي المرايات نضفي حوض الوش

امسحي الاشاني اغسلي البانيو ان وجد

اغسلي التواليت اعزكم الله اغسلي الخلاطات كلها

ادعكى الارض امسحي وجري الميه علي البلاعه ونشفي الارض خالص خدي شور

واطلعي ادعيلي

البيت هياخد معاكي ساعه ونص ساعتين بالكتير

ادوات التنضيف ديتول سايب كلوركس الوان وكيس كومفرت ب10ج حطي منه مقدار في البخاخه وزودي الباقي مياه وخليه في ايدك ترشي بيه ع الفرش والعفش بيخلي ريحة الشقة تجنن

اغسلي الفوط بتاعه المطبخ يوميا الزباله ماتبتش في البيت