الست البيت الشطورة

الست البيت الشطورة 

كتبت تغريد نظيف

وسيط اليوم

٢٠٢٢/١١/١٨

. لو شرابات جوزك البيضاء لونها اتغير قبل ما تغسليها انقعيها فى ميه دافيه جواها شرائح من الليمون.

2. لو سجادتك او قماش الانتريه بتاعك اتبقع اوعى تدعكيه لكن اضغطى على البقعه لأن البقعه هتكبر و تكبر لو دعكتيها.

3. لو بتفرمى اللحمه فى البيت بعد ما تخلصى افرمى فى المفرمه حته عيش ناشفه هتنضف و مش هتسيب اثر لريجه اللحمه.

4. لو عندك دهون في البوتجاز صعبة هاتى ماية دافية و نقطتين سائل تنضيف الصحون و 3 معالق كبيرة خل و ادعكى الدهون هتختفى.

5.و انتى بتقللى السمك حطى رشه فانيليا بسيطه مش هيبقى فى ريحه.

6. لو التلاجه فيها بارومه او صدأ املى الفراغات بالكوريكتور او مونيكير لون التلاجه.

7. لو حطيتي كوبايتن جوا بعض و معرفتيش تخرجيهم حطي الكوباية الي تحت في مية سخنه و صبي في اللي فوق مايه ساقعة هينفصلوا.

8.لو جبتي جزمة جديدة و لاقيتيها ( بتزيأء) هاتي زيت و دفيه و هاتي قماشة و ادهني النعل و الجناب بيه .. والصوت هيختفى تماماً.

9.حطي في ملاحة الطعام .. كام حباية رز عشان الملح ميتجمدش منك.

10.. لو بتستعملى شموع في بيتك وعايزاها تعيش و تقعد فترة طويله و متخلصش بسرعة حطيها قبل الاستخدام بفترة في الفريز.