تزوج بنت الأصول

كتبت تغريد نظيف

وسيط اليوم

٢٠٢٢/١١/٢٧

الزواج من  بنت عائلة محترمه ده موضوع طبيعي  لكن إنك تتزوج من بنت أصول ده موضوع اخر. 

– بنت الأصول لما الزمن يميل عليك تستحمل معاك مهما ضاقت الدنيا ومهما اسودت الدنيا بتلاقيها تقولك لسه الدنيا رمادي مااسودتش..

 بنت الأصول تديها 100 جنيه تحمد ربنا وتكون في عينها 1000 جنيه 

بنت الأصول عينها مليانة حتى ان كانت من بيت متواضع ماديا مش هاتحس معاها بإنها نفسها في الدنيا كلها ومسروعه انها تشتري اي حاجه قدمها

– بنت الأصول لما يحصل مشكله بينكم ممكن توجعك بكلامها بس مستحيل تهينك او توطي راسك..

– بنت الأصول في عز زعلها منك لو تشوفك اتضايقت بتلاقيها واقفة جنبك ومعاك وسند ليك

بنت الاصول قبل ما تفكر بالغلط بتلاقي اصلها يردها عن الغلط

– بنت الأصول في غيابك تتكلم عليك وتمدحك أحسن ما بتتكلم قدامك حتي تثبتلك انها بتمدحك..

– بنت الاصول واقفة جمبك و تستحملك ع الحلوة و المرة معاك ، لو في بيتك بنت أصول هنيالك أمك دعيالك ، ولو مخلف بنت طلعها بنت أصول خلي اللي يتعامل معاها يدعى للبيت اللي رباها