حكايه العمده والشيخ مصطفى إسماعيل…

كتبت تغريد نظيف

وسيط اليوم

9/4/2023

حكايه من الحكايات الجميلـه عن الفنان الكبير عمدة السينما المصرية صلاح منصور والشيخ مصطفى اسماعيل
لانه كان متيم بسماع صوت الشيخ مصطفى إسماعيل لدرجة ان الناس كانت بتعتبر صلاح منصور مجذوب من مجاذيب الشيخ مصطفى إسماعيل ..
بيقول الكاتب الكبير محمود السعدني فـكتابه
الطريق إلى زمش أن صلاح منصور كان بيمشي ورا الشيخ مصطفى إسماعيل فـلمحافظات عشان يحضر المآتم و يسمع صوته و هو بيقرأ قرآن ..
بيحكي “السعدني” أن “صلاح منصور “من شدة إعجابه و هيامه بصوت الشيخ” مصطفى إسماعيل” كان أحياناً بيردد ألفاظ ميصحش تتقال أثناء قراءة الشيخ للقرآن زي مثلاً أن “صلاح منصور “كان بيقول مع كل مقطع يتشد فيه مع الشيخ
” قول يا عسل قول .. قول كمان و النبي “
” يا هوووه جت ازاي دي .. أنت عملت كده ازاي”
أنت جننتني “

و بياكد الكلام دا كمان أديب نوبل العالمي” نجيب محفوظ “
و اللي حكى موقف طريف شخصي حضره مع صلاح منصور ذكره الكاتب ” إبراهيم عبد العزيز ” في كتابه ” ليالي نجيب محفوظ في شبرد ”
بيقول انه حضر في مرة تلاوة للشيخ “مصطفى إسماعيل” و كان حاضر “صلاح منصور “و كان منسجم بشكل غير عادي مع التلاوة لدرجة انه قام و قال
” ايه ي أخي الحــلاوه دي .. يخربيتَ ابوگ “

حكي كمان ” شكري سرحان” أن” صلاح منصور” هو اللي عرفه ع صوت الشيخ ” مصطفى إسماعيل “و انهم كانوا بيلفوا وراءه محافظات مصر عشان يسمعوه و في مرة من المرات كانوا حاضرين في ميتم بيتلو فيه الشيخ و صلاح منصور كان مندمج و مصهلل لدرجة انه قعد يقول ” الله عليك يا سيدي .. يا سلام .. اه و النبي حلوة دي كمان شوية “
احد أعمدة دولة التلاوة الشيخ مصطفى إسماعيل