النصيحه بلاش تنصحيها

بقلم / تغريد نظيف 

وسيط اليوم 

25/7/2023

-نصيحه بلاش تعاتبي ابدا علي وحده حامل إنها كل شويه تتعامل معايا بمزاج مختلف.. ان محدش يحكم علي تصرفتها خصوصا ف شهورها الاخيره

-نصيحه بلاش تحكمي علي نضافه بيت وحده،، لسه جايبه طفل للدنيا مش عايز حاجه غير ان مامته تبقي معاه ٢٤ ساعه.. هي بتعمل حاجه اكبر و اهم من انها تنضف البيت عشان محدش يقول عليها حاجه.. يولع البيت.

-نصيحه بلاش تحكمي علي وحده قررت توقف رضاعه طبيعيه بسبب الوجع (وجع الرضاعه يعادل سحب الاظافر من الايد بدون بنج!). فا محدش هيخاف علي الطفل قد امه.. ومفيش ام هتاخد القرار ده غير لما تكون عملت كل المحاولات

-نصيحه بلاش تسألي وحده لسه ولده. (هتخسي امتي.. ايه ده انتي لسه مولديش.. نسيو بيبي تاني جوه ولا ايه.. انسي بقي جسمك الاولاني.. جسمك كله معلم كده ليه..) الخ..

-نصيحه بلاش تنصحي لاي ام لسه جديده.. ابدا.. ابدا (غير لو هيا سئلت) لان هي اصلا بتكون متوتره و نفسيتها غريبه و جسمها وجعها و بتتشقلب مع كل ده انها تشيل طفل كامل بكل احتياجاته.. ربنا لما يبدي طفل بيدي معاه شعور الامومه و كانك كنتي ام قبل كده

-نصيحه اعلمي ان نفسيه الام بعد الولاده بتبقي صفر.. اعذروها

الحمل صعب.. الولاده نفسها صعبه.. اول طفل صعب..