حدث في مثل هذا اليوم وفاة فاروق الفيشاوي (5 فبراير 1952 – 25 يوليو 2019)

بقلم / تغريد نظيف

وسيط اليوم 

25/7/2023

الفنان فاروق الفيشاوي

حارب مرض السر طان فمات بمرض أخر و غير متوقع

ففى صباح يوم الخميس الموافق 25 يوليو 2019، رحل الفنان فاروق الفيشاوي عن عمر يناهز 67 سنة، في ذالك الوقت الناس قالت أنه مات بالسر طان، وان موته كان متوقع من يوم ما وقف فى مهرجان الاسكندرية واعلن عن اصابته بالمرض الللى مالوش علاج، رغم أنه أكد على أنه هيقاوم المرض بكل قوة ومش هيستسلم قدامه ابدا.

الدكتور حمدي عبد العظيم أستاذ الأورام بطب القصر العيني واللى كان بيشرف على علاج الفيشاوي، كشف عن السبب المباشر لموته، وقال فى برنامج حضرة المواطن أن فاروق كان صبور ومؤمن وشجاع وبشوش ومحتسب، وعمره ما تعب حد أبدا، وانه كان معجب بيه جدا في طريقه مواجهته للمرض.

وقال الدكتور حمدي أن فاروق كان ماشي كويس أوي مع العلاج في الفترة الأولى، وكان عنده شجاعة وإصرار على كسر المرض لكن اللى مكنش عامل حسابه، هو اصابته بتليف فى الكبد، وده اللى قال عنه الدكتور حمدي : “التليف ده عمل مشكلة منقدرش عليها، لأن العلم اللي ربنا ادهولنا له حدود، حالات التليف المتأخر صعب للغاية علاجها، وهو ده السبب المباشر لوفاته”.