ندمانة بقلم مرفت حمودة

ندمانة
بقلم مرفت حمودة

لما بتزرع خير وتلاقي
عند حصاده سواد وأنين
حتي اللمة اللي بتحميك
تطلع قش وفيه تعابين
حفرة وقعت انا فيها بنفسي
اصل القلب غرامه لعين
لما يحب بيخلص..طبعه!
ولا بيهمه لا سين ولا جيم
لما بتيجي الريح وتلاطمه
بيكون شجرة بجدر متين
لكن وقت مايتعب ممكن
يروي النبض بدمع العين
بس خلاص القلب بيصرخ
راح يقفل ابواب اللين
ليه الانانية نابشة انيابها
كله يقول انا هو انا فين
كله يقول انا جوه الدايرة
او يكسر جواها العين
ليه الاخلاق بتموت بذرتها
اما الزرع شيطاني لعين
اه لو يعرفوا ان الدنيا
لو هتعوزها ماتبقي معين