شمس المعارف وما وراء الطبيعة…

بقلم أمال عبد الناصر

وسيط اليوم

9/8/2023

هنبتدى اول حكاية معانا بكتاب شمس المعارف
الستينات و السبعينات الكتاب دا اتمنع نشره في كل الدول العربيه وقيل إنه بيستخدم المعتقدات الاسلاميه في السحر و بيربط نصوص من القرآن و اسماء الله الحسنى بالسحر وعاوز اقولك أن النوع دا من الاسحار ابشع مما تتخيل، وفيه تمجيد لأشياء غير رب العزه وقصه كبيره كدا، شمس المعارف الكبري أو لطائف العوارف هوا كتاب مكتوب بخط الايد كتبه الامام أحمد بن علي البوني الي مات سنه 621، و كتب كمان كتاب اسمه منبع الحكمه عن السحر برضو و كتاب اسمه اسماء الله و آياته القرانيه وكان بيربط بين أسماء الله و السحر،
كتاب شمس المعارف كتاب تخصص في أعمال السحر كتاب ضخم جدا من اجزاء كتير الجزء الاول هوا الي متداول ومنتشر حاليا وهوا عباره عن 577 صفحه دا الجزء الاول بس ف تخيل ضخامه الكتاب قد ايه، اطبع سنه 1959 في المكتبه الشعبيه اللبنانيه بعد ما اتحرف و اتمسح منه كتير يعني حتي النسخه المتداوله ناقصه كتير ومتحرفه كتير، و الكتاب فيه منه نسخ كتير مش حقيقيه عباره عن تحريف عشان الناس تكسب بس فلوس علي حس وسيط كلمه شمس المعارف، الكتاب بيضم مجموعه كبيره من التعازيم و الاوفاق لتحضير الجن و التواصل مع الشياطين وخلافه الكتاب متكون من أربعين فصل تعالي ناخد اول عشر فصول منهم،
1 في الحروف المعجمه و مايترتب عنها من الاسفارات

2 في الكسر و البسط و ترتيب الأعمال في الأوقات و الساعات

3 في احكام منازل القمر ال 28 الفلكيه

4 في احكام البروج الإثني عشر وما بها من إشارات

5 في اسرار البسمله وما بها من اسرار و بركات

6 في الخلوه و أرباب الاعتكاف الموصله للعلويات

7 في الأسماء الذي كان النبي عيسي ييحي بها الاموات

8 في التواقيف الاربعه وما بها من الفصول و الدائرات

9 في خواص أوائل القرأن و الآيات و البينات

10 في خواص الفاتحه وما بها من التصريفات الخفيات

في مقدمه الكتاب بيحذر البوني من التهاون بالكتاب وقال فحرام علي من وقع كتابي هذا بين يديه أن يعطيه لغير أهله ولا تمسه الا وانت طاهر ولا تقر به إلا إذا كنت ذاكرا لتفوز بما تريد، الفصل الاول بيتكلم عن اسرار الحروف و الارقام و علاقتها بالكواكب و العناصر الاربعه الي بتدخل في الابراج وبيقول إن ربط السحر بالكواكب بيزيد تأثير السحر جدا لان بعض الجن بيعبد الكواكب،
و بيعملو لكل كوكب ملك بيسموه الملك العلوي وقال كمان أن الحروف ليها اسرار كبيره ومنافع قويه لكن للي يقدر يفهم العلاقه و يربط بينهم، وبيقول كمان أن علم الارقام بيفسر وجود بعض الكائنات الحيه و الجمادات اه ولله ياعزيزي القارئ مكتوب كدا في الكتاب، يعني مثلا مكتوب ان حرف الالف ليه توثيق هوائي عظيم و أن كوكب حرف الالف هوا المريخ و خادمه ملك من ملوك الجن السفلي و اسمه الملك الاحمر، و بيقول كمان أن حرف آلالف زي الاب لكل الحروف و ليه فوايد ووتصريفات عظيمه في السحر، وقال كمان إذا أردت العمل به تقول (أقسمت عليك يا سمسيائيل و خدامك و اعوانك من العلويه و السفليه و خدام حرف الالف جميعا و…. بس كفايه هنا طبعا مش هنكمل الطلسم، المهم ياعزيزي القارئ البوني كتب كمان أن لازم تختار الوقت المناسب الي هتستخدم فيه السحر اذا كان في الخير أو الشر،
ورسم جدول في الابراج المائيه و الترابيه و الهوائيه وحط طريقه السحر لكل برج وقال إن لكل كوكب يوم من ايام الاسبوع
الاحد .. الشمس
الاثنين .. القمر
الثلاثاء .. المريخ
الاربعاء .. عطارد
الخميس .. المشتري
الجمعه .. الزهري
السبت .. زحل
حتي فصول السنه ليها خدام من الجن و قسم فصول السنه شرق و غرب و شمال و جنوب، صاحب الشرق هوا دنائير خادم فصل الصيف و أعوانه خنرائيل و سمعائيل و زنرائيل، (حاول تقرأ الجزء دا من غير صوت)
وصاحب الغرب هوا درديائيل لفصل الشتاء و اعوانه حمراقيل واسعائيل و سرقائيل، وصاحب الشمال هوا اشيائيل ودا لفصل الربيع و أعوانه (ملقتش اساميهم معلش)
زورعائيل لفصل الخريف وواعوانه حمراقيل و كيائيل، وقال كمان أن ملوك الجن العلويين عددهم سبعه و أن اسمائهم متشابهه مع اسماء الملايكه المعروفه، و بيقول أن ملوك الجن العلوي و السفلي اسمائهم عباره عن القاب و مش اسمائهم الحقيقية، وقال أن لكل ملك منهم وزراء و خدم في الأرض و في العالم السفلي، وذكر اسم ملوك تانيين زي ظام و قسوره وصلهوب و الأسد الغضوب ودا بيستخدم في الربط و المشاكل بين الازواج، و عزازير مش عزازيل لا عزازير ودا لما بيحضر بيطلب من الإنسان يسجد ليه قبل اي حاجه ولو مسجدتش رد فعله بيكون مش حلو اوي يعني
و في كمان الملك زيدون ودا بيحضر علي شكل قط اسود كبير و دنهش ودا بيحضر علي شكل راجل لابس عمامه حمرا و كمان في ذات المحاسن ودي بتحضر بس في المقابر، و في عائنه ودي بتيجي بعد طقوس معينه وانتا نايم و تصحيك عشان تلبي طلباتك و في نائله ذات الشعور المائله وواتسمت كدا لأن شعرها مغطيها لحد رجليها، واحنا بنتمشي سوا في الكتاب كدا خليني اقولك أن فيه تعاويذ لكل حاجه تتخيلها في حياتك ومتتخيلهاش الراجل دا دخل السحر في كل حاجه في الحياه، في تعاويذ لقضاء الحاجات اي حاجه تتخيلها، في طرق الضرر و طرق الاذي و تفريق الزوجين و تسليط الجن و جلب الأمراض وجلب الحبيب،
وحوار جلب الحبيب دا بجد هوا بيسلط جن على الشخص المطلوب والجن يبدأ يلعب في دماغه وعواطفه وشعوره عشان يحسسه أنه بيحب الشخص الفلاني ويروحله فجاه،
وفي جوا الكتاب كمان طرق تخلي اللسان معقود تماما يعني يبقي اخرس وطلاسم حمايه و طلاسم ابطال النوم وطلاسم الأمراض ودي كتير بقي، فيه حوالي أربعين صفحه بس طلاسم امراض وكل طلسم مختص بمرض، يعني في طلسم للسرطان وفي طلسم للشلل وفي طلسم للعمي هتقولي دا بيحصل ازاي ؟
هقولك بكل بساطه بيسلط جن علي عضو معين في جسمك وساعتها بكل بساطه يقطر يفسدهولك او يجبلك فيه مرض، الكتاب دا أشبه بالمتاهه و محدش هيفهم المتاهه دي إلا حد فاهم كويس جدا في المجال دا ومتمكن منه لأنه فعلا لافف والموضوع تحسه مش راكب علي بعض، الغريب بقي أن النسخه الاصليه الي مكتوبه بخط الايد قبل ما تطبع و تتنسخ مش موجوده لحد وقتنا دا في ناس بيقولو ادفنت مع صاحب الكتاب لما مات، و ناس بتقول انها اتحرقت عشان متاذيش حد اكتر من كدا ومحدش عارف الحقيقه فين ولا فين النسخه الي مش منسوخه الي بخط أيده، طب الكتاب منسوب لاحمد بن علي البوني يعم ماشي خلينا نفكر سوا هوا عرف منين كل الاسرار دي؟
الكلام الي مكتوب في الكتاب كان جديد وقتها ومازال مرجع لكل مستخدمين السحر هوا عرف منين كل دا ؟
طب ازاي الكتاب خد الشهره دي كلها و انتشر الانتشار دا وهوا مليان البلاوي دي ؟
لا دا كمان اترجم و اتنشر في بلاد مختلفه و اطبع في كل بلاد العالم في ناس بتقول أن الكتاب دا مبينتهيش لأن مصدره العالم الاخر وانا أرجح دا جدا، عشان الكتاب الجن هما الي كتبوه و استخدمو الكاتب و قالوله ايه الي يكتبه بظبط وأنا برضو مع الرأي دا جدا لان مظنش أن في حاجه منطقيه اكتر من كدا، الي مكتوب في كتاب شمس المعارف ممكن من القراءه فيه بعينك تحضر جن بشكل مباشر ونتا ولا فاهم حاجه، و الطلاسم دي فيها خطر علي الانسان وعلي الي حواليه خصوصا انها فيها شرك ب الله و الجن بيحبو المشركين اوي لأن التعامل معاهم سهل، البعض بيقول أن الكتاب دا مكتوب لإرضاء ابليس برضو، طب تعرفو أن في فتاوي طلعت بتحريم قرأه كتاب شمس المعارف لانه شرك و كفر ب الله ودا واضح جدا، و الحقيقه انا منصحش اي حد يخوض في اي كتاب سحر و يفتح مجال ميفهمش فيه حاجه لان جهلك بالحاجه دي ممكن يوديك في سكه صدقني في ناس بتتمني تكون مدخلتهاش