قبل ان يفقد الوعي

كتبت تغريد نظيف

وسيط اليوم

20/9/023

الفنان حسن فايق كان يمر

فى فترة من الفترات كان عمنا حسن فايق بيعانى من قلة الشغل وقلة الفلوس .. وفى جلسة مع بعض الاصدقاء سمع ان فى مخرج بيعمل فيلم جديد وعنده دور كوميدى لسه مرشحش حد ليه وهو دور رجل كبرة بيظهر فى معظم مشاهده وهو بيسوق عربية أخر الاجة..

عرف حسن فايق المخرج ده بيسهر فين واستلف بدلة محترمة من واحد صاحبه وراح قابله وقعد معاه .. وفى نهاية الجلسة المخرج قاله “خلاص يا عم حسن تعالى التصوير بكرة.. ومعاك العربية ونشوف”..

فكر حسن ازاى يبهر المخرج .. فراح أجر عربية احدث موديل وراح بيها التصوير وقبل ما الكاميرا تدور المخرج قاله “ورينى كده هتمشى بالعربية ازاى يا عم حسن” فركب عم حسن العربية ورايح جاى وجاى رايح وسبعات فى تمنيات .. لحد ما العرق بدأ يشر من كل حته في جسمه.. واخيرا المخرج قرر يعفو عنه وقاله “خلاص يا حسن.. زى الفل.. العربية 100 100 هناخدها نصور بيها ونبقى نرجعهالك تانى”.. ودى كانت اخر جملة يسمعها حسن فايق قبل ان يفقد الوعي من الحسرة