خطر امنعي المشاية لطفلك  

كتبت تغريد نظيف

وسيط اليوم

٢٠٢٢/١٢/٦

 فيه دول كتير منعتها تماما..و كمان تحذيرات صريحه من الجمعية الامريكية لطب الاطفال بتقول ” لو عندك مشاية للبيبى اتخلص منها فورا!” 

تعالو نعرف السبب مع بعض .

امريكا فيها اطفال كتيرة بيحصل لهم حوادث سنويا بسبب المشاية، وكمان إنجلترا فيها .

 المشاية بتعطي للطفل سرعه اكبر من قدراته…بيجرى اسرع…بيتزحلق…بيقع من ااسلالم..فيه اطفال بتتقلب منها ع السيراميك…فيه اطفال بتتقلب فى البانيو و للأسف غرقوا

 المشاية بتخلى الطقل اعلى و بالتالى بيوصل لحاجات خطيرة…من اول كباية الشاى السخنه اللى ع الطرابيزة…لغاية فيشة الكهرباء…و الادوية اللى على الكمودينو …و غيرها

 

 المشاية بتعلم الطفل المشى بوضعية خاطئة

 بيقف على اطراف الاصابع…و ده بيؤذى القدم و الكاحل ankle 

 بيحمل وزنه كله على الحوض…و ده ساعات بيعمل تشوهات فى القوام

 بيقلل تشجيع الطفل على الحبو…و ده بيمنعه من تجارب حركيه و حسيه كتير و بيقلل تدريب عضلات ضهره اثناء الحبو 

 الابحاث الجديدة بتثبت كلها انها بتعطل التطور الحركى للطفل. مش بتشجعه ولا حاجه…بالعكس الطفل بيمشى بشكل غير معتاد و بياخد وقت طويل علشان يتوازن و ينسق عضلاته الغير مدربة

 

 اخر بحث بيقول لك ان كل يوم على المشاية بيعطل الطفل عن المشى اربع ايام !!

 

لو ناوية تستخدمى مشاية…

 تجيبى المشاية اللى بتتجر…مش اللى بيقعد فيها…موجودة فى اول صورة…بحيث تبقى محتاجه مجهود ايجابى من الطفل 

 

 المشاية تستخدم بحد اقصى ربع ساعة فى المرة.. و بحد اقصى ساعه يوميا

 الامهات فاكره ان الطفل فى المشاية فى امان و محتاج متابعه اقل….لا الطفل بيحتاج متابعه اكبر 

 

 البيت لو فيه سلالم او ارضية بتزحلق حتبقى خطر جدا علىالطفل

 

سيبوا الولاد على الارض…و اعملوا التمارين و ادوهم فيتامين د و اكل غنى بالكالسيوم…و صدقينى حيمشوا 

لا احنا حمل كسور و لا غُرز و لا حوادث …بعد الشر عنهم 

 

ما تقارنيهوش بطفل تانى….اديله وقته بس  و التمارين ححطهالك فى اول تعليق 

 

رينا يحفظ الاولاد، مفيش اغلى منهم 

About The Author