زى الحلم

بقلم دعاء عبد الوهاب

جريدة وسيط اليوم

زى الحلم عدّى ف لحظة واتبخّر
و زى عيون تنادى بشوق وتتحيّر
و زى لقانا انا وانت
خيال ف خيال
كلام من شدة اللهفة
رفض يتقال
و زى سؤال
باخاف اضعَف واقولهولك
و زى حنين
لقيت قلبى بعتهولك
ومستني
حروف من رد مبيوصَلش
و اقول يمكن
خطرت ف باله بس مقالش
والاقى كل شئ بيننا مالوش تفسير
ف اخبي اللهفة جوايا
ك سِر كبير
و يرجع قلبى يشتاقلك
ويندهلك
ويتمنى
تقول حتى صباح الخير

About The Author

فريق التحرير فريق التحرير

See author's posts