مش من توبك

بقلم خالد الكردى

جريدة وسيط الدلتا

جايز كل اللي راح منك
ماكنش يليق عليك ياجميل
لا من توبك ولا مقامك
قليل منك بجد قليل
….
ليه تعاتب لحظة نفسك
ليه تفكر ف اللي فات
مرة واحدة حب نفسك
واللي راح كان ماضي مات
….
اللي يبيع ف حياته الغالي
بكرة يقابل حد رخيص
ده اللي سهرت عشانه ليالي
وكان الوقت مابيعديش
….
اوعي تلوم نفسك علشانه
أفضل منه هييجي مكانه
بكرة هييجي ويترجاك
ودموع عيونه بتدبح فيه
اوعي عيونك تبكي عليه

About The Author

فريق التحرير فريق التحرير

See author's posts