أنا بانسحب
م الحرب الدايرة ما بين قلبى
وما بين الحزن اللى ف قلبك
والله بحاول وبعافر
وباتغلب !
أنا بانسحب
قدام عتمتك اللى طفيتنى
وسكوت ف عينيك بيموتنى
قدام أحلامنا المهزومة
وسنين الحزن اللى طالتنى
قدام الضحكة اللى بتخدع
والجرح اللى مصمم يوجع
ودموع كات تنزل قدامك
وعيونك ولا مرة شافتنى
أنا بانسحب
وهسيبك تفرد جناحاتك
وابعد عن قلبك وحياتك
وإن كان على روحى .. خدها معاك
وإن كان على روحك .. قتلتنى !
المزيد من الموضوعات
البطل المصري يوسف شامل يتوج بذهبية بطولة العالم للسلاح للناشئين والشباب في ريو دي جانيرو
رحيل الفنان الكبير هاني شاكر بعد مسيرة فنية حافلة بالعطاء
📰 نقابة الموسيقيين تحسم الجدل: لا صحة لوفاة الفنان هاني شاكر وحالته تحت الرعاية الطبية