خلينا فى الامان 

بقلم شيماء عشيبة

خلينا فى الامان
مبقاش ينفع معانا
لا حب ولا حنان
صدقنا ناس جبانا
فصعب ومستحيل
نصدق تاني حد
الجرح مهوش قليل
علشان ننساه بحد
جايز يطلع اصيل
او يطلع زي غيره
ندل وناكر جميل
ينسى اللي عاش ف خيره
ويطّلع فيه عيوب
ويقول ويعيد كلام
قاصد يقتل قلوب
كانت عايشه ف سلام
واول ما ارتاحتله
حول قربه لبعاد
قاتل نفذ جريمته
وكمان أعلن حداد
شيماء عشيبة

About The Author

فريق التحرير فريق التحرير

See author's posts