الصرح بقلم الشاعرة دعاء النمر 

الصرح

بقلم الشاعرة دعاء النمر

مَا تعلنيش عـ الملأ،
السِر فـ المكتوب

وازاي هَيفتوكي..
فـ الأمر ويدلوا؟!
دول كانوا أعوانك،
مع هذا بيضلوا

إزاي بيحموا الحمى..
وفـ لحظة يتخلوا،
ومافيش جناح اتفرش..
عـ العرش بيضله

ما تصدقيش وعدهم..
لو قالوا خُدامك،
لومرة هَتميلي..
هيقيموا فـ حدودك،
ويهدوا أسوارك

الأرض مش بلور،
ولا العيون أنبيا؛
فمتعرضيش الضعف..
من طرف فستانك.

About The Author