الحنين كان للأماكن
بقلم الشاعر طارق شامخ
الحنين كان للأماكن
مش لحد من البشر
اللي خان قلبه فاجر
مين يحن للغجر
اشتياقي كان لشمس
او لبحر او قمر
اشتياقي لقاعدة صافية
قلبي ليها افتكر
لما كنت ع الشط أمشي
وألمح الطير انتشر
لما كنت اقعد ورمشي
حارس العين م العفر
لما كنت اقول باريتني
قلبي واخد ع السفر
واحضن النسمة اللي تجري
وتيجي على خدي بمطر
لما كنت لوحدي أمشي
واجري واشوط الحجر
لما كنت أغني غنوة
وتيجي مرة ع الوتر
لما كنت اشرب في قهوة
فجأة فنجاني إتكسر
واضحك الضحكة تلعلع
وأسمع الموج في الصخر
طارق شامخ عبدالجواد
About The Author
المزيد من الموضوعات
تقرير شامل: نظام البكالوريا الجديد للثانوية العامة في مصر
الشائعات.. سلاح خفي يهدد الأمن القومي: ندوة توعوية بإعلام الغربية تكشف المخاطر وسبل المواجه
ندوة اعلامية بإعلام الغربية للتحذير من مخاطر وسائل التواصل الاجتماعي على الأمن القومي