لا انا دجال ولا محتال
ولا معايا بيضه وحجر
انا شاعر انا زجال
بكتب عن طبع البشر
عن الصاحب لما بيغدر
عن الحبيب لما بيهجر
عن الدنيا لما تبقى شمال
لا انا دجال ولا محتال
يعنى لما صاحبك يخونك
والأصول أنه يصونك
يبقى كان الله فى فى عونك
والعشرة تبقى بينكو محال
لا انا دجال ولا محتال
لما يبقالك حبيب
وفجأه يبعدكو النصيب
والوجع فى قلوبكم يصيب
والهموم تبقى جبال
لا انا دجال ولا محتال
لما الدنيا تديك ضهرها
وتسقيك من كأس قهرها
ومايلعبش معاك ظهرها
تبقى الدنيا ماشيه شمال
لا انا دجال ولا محتال
انا شاعر انا زجال
………
انا عاشق الأنا محمود الشيخ
المزيد من الموضوعات
امسية ثقافيه وندوة ادبية بمقر حزب الوفد بطنطا…
أسامة حراكي يكتب: شاعر الزوايا المغلقة.. ارتور رامبو
حاكم الشارقة يتفقد “جناح الهيئة المصرية العامة للكتاب” في “معرض الشارقة الدولي للكتاب” ويثني على إصدارات وزارة الثقافة…