تستااااااهل يااااقلبى عشقت المستحيل بقلم الشاعر محمود الشيخ

تستاااااااااااهل ياااااااقلبى
عشقت المستحيل وياريته كان المستحيل
دا المستحيل ممكن نقول يمكن فى يوم يكون ممكن
وصبرت ياما وكنت تقولى دا الصبر اْخره جميل
لكن اللى صابك وجع ووجع العاشقين بيجن
وقولتلك ابعد وحذرتك كتير وقليل
وكنت دايما بتعند تستاهل اللى جرى اْحسن
\\\\\\\\\\
عشقت سحابة قلابه ملهاش مكان ثابت
عشقت شمس ضحكتلك وفى لحظة عن دنيتك غابت
عشقت قمره منوره فى نورها كل العاشقين دابت
عشقت زمانك واْهو خانك وكل الظنون الحلوه فيه خابت
\\\\\\\
تستاهل اللى جرالك ماهو انت اللى غاوى جراح
حلمت وكل اْحلامك اْجمل مافيهم راح
ابعد بقى واعقل واحترم سنين عمرك
وكفاية سمعى لكلامك اْسمع واْقول اْمرك
\\\\\\\\\\\
اْحسن وربى اْشق جنبى واْطلعك براه
واْدوس عليك واقتل مشاعرك لحد ماتنسى هواه
وتسيبك من عشقك الممنوع وتعيش حياتك زى خلق الله
وتنسى الهوى وسنينه ودموع على الخدود بتسيل وسهر الليل
وتلزم حدودك فى الهوى ونعيش سوى وده ممكن لكن مش مستحيل