قصيدة إبليس

قصيدةأبليس

بقلم د غادة مصطفي 

عايشين معاك حالة حرب
لاأحنا  عارفين أنت حليف و لا عدو
قدام ناس وشك منور قلبك دا أخضر بجناح ملايكة الله أكبر

  تبكي وتدعي و كأنك ملاك،
و ناس تصقف  و تقول ياعيني  شوف الأيمان قول كمان

و من وراهم هههه
وسع ياعم   أبليس حضر
شيطان و لابس توب بشر
تدعي لواحد بالصلاح و تغوي التاني بالرذيلة
تأمر واحدة بالعفاف و تغوي التانية بألف حيلة
تقول يا ناس أتقوا الله
و أنت واكل مال يتيم و مبيته يبكي  حزين
ليك في كل ركن ذنب، ليك في كل مكان مظلوم

قلبك دا أيه صوان حجر،قادر تنام
ياعم فوق أنت بتضحك على مين،

آخرك تدفن تحت تراب
و تقف يوم العرض قدام رب العباد
و معاك كتابك مليان بدموع المظلومين
و تلاقي الناس الي كانت بتصقفلك زمان  مستنيك بدالهم طابور المظلومين
أعوذ بالله من المنافقين