لا تغسلي البيض 

كتبت تغريد نظيف

وسيط اليوم 

٢٠٢٢/١٠/٣

اوعي تغسلي البيض وتحفظيه في التلاجه..وبعدين تسحبي منه للاستخدام

.حاولي تختاري طبق البيض النظيف الي حد ما

وبعدين تغسلي بفرشة زي دي بس قبل الاستعمال مباشرة

لان القشرة مش صامته ولا كتلة واحدة زي ما إنتي فاهمة ..دي مسامية يعني ايه ..يعني فيها مسام ..زي جلدنا كدا مش هتشوفيها بعينك ..وكمان فيه غشاء رقيق جدا دا مغطيها اللي هو اصلا بيمنع وصول التراب واي تلوث علي القشرة أنه يوصل لجوة البيضة

فلما تغسلي…… الغشاء دا بيتلاشي …تبقي المسام مفتوحة و متاح يوصلها اي شيء يسبب تلوث المحتوي الداخلي ويحصل فساد للبيض وانت ما تعرفيش

يبقي الصح اغسل قبل الاستخدام مباشرة ..عشان ما يبقاش فيه اي فرصة للتلوث