صورة وحكايه معزة صاحبة الفضل في إكتشاف أكتر من ٤٠ مومياء بالبر الغربي 

صورة وحكايه

معزة صاحبة الفضل في إكتشاف أكتر من ٤٠ مومياء بالبر الغربي 

كتبت تغريد نظيف

وسيط اليوم

٢٠٢٢/١٠/٤

_معزة عبد الرسول

عارفين إن المعزة هي صاحبة الإكتشاف لخبيئة ملكية فيها أكتر من ٤٠مومياء ومقتنيات لأعظم ملوك مصر القديمة..

_الحكاية بدأت 

 في البر الغربي بالأقصر عام ١٨٨١م

كان فيه راعي غنم إسمه عبد الرسول من مدينة الأقصر وقعت معزة منه في حفرة بالدير البحري فربط حبل ف حجر عشان ينزل يجيب المعزة.

_لاقي نفسه قدام عدد من توابيت لمومياوات ومقتنياتهم المصنوعة من الدهب والأحجار الثمينة..

_فضل عبد الرسول وأخواته يبيعوا في المقتنيات الذهبية خفيفة الوزن دي لتجار الآثار لمدة عشر سنين !!!

بدون علم الحكومة وقتها طبعاً وكان بيخبيهم بين الغله في محل العطارة تبع أخوه حتي أكتشف بالصدفة أحد مسؤولي الأثار بعض القطع الأثرية وكانوا عبارة عن زهورتين أشتراهم أحد التجار اللي باعهم بعد كدا لمساعد (جاستون ماسبيرو) مدير الآثار في الوقت ده 

_وإللي بعد كدا وجدوا بعض المقتنيات الأثرية من الذهب الغير معلن عنها تعرض ف بعض البلاد الأوروبية وإللي اتباعت من خلال عبد الرسول.

متخيلين عشر سنين بيبيع أثار لأهم الملوك القدام!!

 _الخبيئة دي بقي كان فيها مين من مومياوات الملوك

_رمسيس الثاني

_أحمس الأول

_سيتي الأول

_سقنن رع

_أمنحوتب التالت

_تحتمس التالت

أغلب مقتنياتهم اتباعت 

وبعدها أتعمل فيلم شهير عن ههذه الواقعة